هەواڵ
بەغدا رەزامەندی لەسەر خەرجکردنی سێ موچە دەدات..وادەی ناردنی راگەیەندرا
بەغدا ڕەزامەندی لەسەرناردنی سێ موچەی فەرمانبەرانی سەر بەبەڕێوەبەرایەتییە فیدڕاڵیەکانی عیراق دەردەبڕێت، بەڕێوەبەرایەتی گشتی ڕەگەزنامەی ھەرێمیش دەڵێت: وەزیری دارایی ڕەزامەندیداوە، پێدەچێت ئەم ھەفتەیە یان ھەفتەی داھاتوو ڕەوانەی بکەن، بەپێی بڕیارەکەش ھەرسێ موچەکە بەیەکەوە ڕەوانە دەکرێت.

نەقیب کەیفی عومەر وتەبێژی گشتی ڕەگەزنامەی ھەرێم  لەلێدوانێکدا بەSNNی راگەیاند: موچەی مانگەکانی(١٠،١١،١٢)ی ساڵی ٢٠١٨ لای حکومەتی عیراق ماوە، بەڵام حکومەتی ھەرێم مانگی ١٠ی پێداین.

وتیشی:"لەبەڕێوەبەرایەتی گشتی لیژنەیەکمان پێکھێنا و نوسراوێکمان بەرزکردەوە بۆ ڕەگەزنامەی گشتی لە بەغدا و لەوێوە نێردرا بۆ وەزارەتی ناوخۆ و وەزارەتی دارایی عیراق، لەئێستادا کۆتا زانیاری ئەوەیە کەبەشێوەی زارەکی پێیان ڕاگەیاندین وەزیری دارایی ڕەزامەندیداوە بۆ خەرجکردنی ئەو سێ موچەیە، بەڵام نازانین کەی پارەکە ڕەوانە دەکرێت و پێدەچێت ئەم ھەفتەیە یان ھەفتەی داھاتوو ڕەوانەی بکەن".

ئاماژەی بەوەشکرد،"وەک فەرمانبەران دوو موچە وەردەگرین، چونکە حکومەتی ھەرێم موچەی مانگی ١٠ی پێداوین بەقەرز و ئەو موچەیە دەگەڕێنرێتەوە بۆ حکومەتی ھەرێم".

نەقیب کەیفی عومەر راشیگەیاند: وەک میلاکی گشتی پێویستمان بە شەش ملیار و دوو سەد ملیۆن دینارە، بەڵام بەغدا ملیارێک و ٨٦٢ ملیۆن دینار دەنێرێت بۆ ھەر مانگێک،  ئەوەیتر دەبێت وەزارەتی دارایی ھەرێم تەواوی بکات، بەپێی بڕیارەکەش ھەرسێ موچەکە بەیەکەوە ڕەوانە دەکرێت.


SNN:

سۆران سەعید

 هەفتە پێشتر - Feb 7 2019 9:53AM
Print Friendly and PDF

بابەتی زیاتر
زۆرترین بینراو
  • 24 کاتژمێر
  • هەفتە
  • مانگ
نرخە جیهانیەکان
بۆ بەئاگابوون لە دواین زانیاریەکان
   
Tel: (+53) 320 0475
© Copyright 2018 SNN. All Rights Reserved.