هەواڵ
دۆسێی نەخۆشخانەیەكی سلێمانی دەدرێتە دادگا
ئەو لیژنەیەی بۆ لێكۆڵینەوە لە سەرپێچییەكانی نەخۆشخانەی بەخشین لە سلێمانی پێكنراوە، لەكارەكانی بەردەوامەو وتەبێژی تەندروستی سلێمانیش ڕایدەگەیەنێت: دۆسیەیی نەخۆشخانەكە دراوەتە دادگا و دوای گەڕانەوەی ئەنجامی لێكۆڵینەوە، بڕیار لەبارەی داخستن یان غەرامەكردنی دەدەین.

د. یاد نەقشبەندی، وتەبێژی بەڕێوەبەرایەتی تەندروستی پارێزگای سلێمانی، بە SNNی ڕاگەیاند: چاوەڕوانی ئەنجامی لیژنەی لێكۆڵینەوەین لە نەخۆشخانەی بەخشین، تائێستا هیچ وەڵامێكیان نەداوینەتەوە، دوای گەڕانەوەی ئەنجامی كاری لیژنەكە، بڕیار لەبارەی داخستنی یان غەرامەكردنی دەدەین.

وتیشی: "لیژنەكە لێكۆڵینەوە دەكات لەڕووی دەرمان، كارمەندو پزیشك، هەڵسوكەوت لەگەڵ نەخۆش و ئامێری پزیشكی و پاكوخاوێنی نەخۆشخانەكە، ئەگەر دەركەوت دەتوانرێت كێشەكانیان چاكبكرێت، لەكاركردن بەردەوام دەبێت، ئەگەرنا بڕیاری داخستنی دەدرێت".

وتەبێژی تەندروستی سلێمانی ڕەتیشیكردەوە، هیچ وادەیەك بۆ ئەنجامی كاری لیژنەكە دیاریكرابێت و ئاشكرایكرد: "ناتوانین بەهۆی ڕەوتی لێكۆڵینەوەوە كاركردنی نەخۆشخانەكە ڕابگرین، تا دۆسێیەكەی لەدادگا یەكلانەبێتەوە داناخرێت".


SNN:

ڕەنج تاڵیب

 هەفتە پێشتر - Feb 10 2019 10:51PM
Print Friendly and PDF

بابەتی زیاتر
زۆرترین بینراو
  • 24 کاتژمێر
  • هەفتە
  • مانگ
نرخە جیهانیەکان
بۆ بەئاگابوون لە دواین زانیاریەکان
   
Tel: (+53) 320 0475
© Copyright 2018 SNN. All Rights Reserved.