هەواڵ
نوسراوێك ئاڕاستەی وەزارەتی دارایی دەكرێت
بەرێوەبەرایەتی گشتی پەروەردەی سلێمانی رونكردنەوە لەبارەی خەرجكردنی كرێی وانەبێژی بۆ ئەو مامۆستایانە دەدات كە بۆساڵی خوێندنی 2018 -2019 لەخوێندنگەكاندا بەشێوەی وانەبێژی خزمەتدەكەن و بەرپرسێكی پەروەردەش رایدەگەیەنێت: بۆ كرێی وانەبێری مانگی 12 نوسراومان ئاڕاستەی وەزارەتی دارایی هەرێم كردوە و چاوەڕوانی رەزامەندییەكە دەكەین.

مەریوان محەمەد وتەبێژی بەرێوەبەرایەتی گشتی پەروەردەی سلێمانی بەSNNی راگەیاند: كرێی وانەبێژی بۆ مامۆستایانی وانەبێژ تایبەت بەمانگەكانی 10و 11ی ساڵی رابردوو خەرجكراوە، بۆ مانگی 12ی 2018ش وەك پەروەردە بەنوسراو داوامان لەوەزارەتی دارایی و ئابوری هەرێم كردووە بۆخەرجكردنی پارەكە و چاوەڕوانی رەزامەندییەكە دەكەین.

رونیشیكردەوە، بەگوێرەی رێنماییەكانی دارایی خەرجكردنی هەر پارەیەك بكەوێتە ساڵی نوێوە، رەزامەندی وەزارەتی دارایی و ئابوری دەوێت و دواتر پارەكە خەرجدەكرێت.

ئاشكراشیكرد، دوای رەزامەندییەكەی وەزارەتی دارایی هەرێم دەست دەكرێت بەخەرجكردنی كرێی وانەبێژی بۆ ئەو مامۆستایانەی كە لەساڵی خوێندنی 2018-2019 بەشێوەی وانەبێژی لەخوێندنگەكاندا خزمەتیانكردووە. 


SNN:

سامان بەختیار

  2 مانگ پێشتر - Feb 11 2019 4:36PM
Print Friendly and PDF

بابەتی زیاتر
زۆرترین بینراو
  • 24 کاتژمێر
  • هەفتە
  • مانگ
نرخە جیهانیەکان
بۆ بەئاگابوون لە دواین زانیاریەکان
   
Tel: (+53) 320 0475
© Copyright 2018 SNN. All Rights Reserved.