هەواڵ
وردەكاری شەڕو پێكدادانەكەی ئەمڕۆ ئاشكرادەكرێت
لەسنوری ناوچەی برادۆست، شەڕو پێكدادان لە نێوان سوپای توركیاو گەریلاكانی پەكەكە دروستدەبێت، بەرپرسێكی یەكێتیش زانیاری لەوباریەوە ئاشكرادەكات و راشیدەگەیەنێت: پێكدادانەكە زیاتر لە یەك كاتژمێری خەیاند.

مەلا كەریم برادۆستی، لێپرسراوی كۆمیتەی برادۆست-ی یەكێتی، بە SNNی ڕاگەیاند، بەرەبەیانی ئەمڕۆ 11ی 2ی 2019، گەریلاكانی پارتی كرێكارانی كوردستان، لەچیای دیل لە ناوچەی برادۆست، هێرشیان كردۆتەسەر بارەگاكانی توركیا.

وتیشی: هێزەكانی توركیا وەڵامی هێرشەكەی پەكەكەیان داوەتەوەو بۆ ماوەی یەك كاتژمێر شەڕو پێكدادان بە چەكی قورس لەنێوان هەردوولا بەردەوام بوو.

بەرپرسەكەی یەكێتی ئاماژەی بەوەشكرد، تائێستا هیچ زانیارییەك لەبارەی زیانەكانی ئەو شەڕو پێكدادانە بڵاونەكراوەتەوە.


SNN:

سامان بەختیار

 6 ڕۆژ پێشتر - Feb 11 2019 5:50PM
Print Friendly and PDF

بابەتی زیاتر
زۆرترین بینراو
  • 24 کاتژمێر
  • هەفتە
  • مانگ
نرخە جیهانیەکان
بۆ بەئاگابوون لە دواین زانیاریەکان
   
Tel: (+53) 320 0475
© Copyright 2018 SNN. All Rights Reserved.