هەواڵ
بە یاسا چارەنوسی باخ و ڤێلاكان یەكلایی دەكرێتەوە
هەردوو وەزارەتی كشتوكاڵ و شارەوانی، پرۆژەیاسەیەك ئاراستەی پەرلەمانی كوردستان دەكەن بۆ یەكلاییكردنەوەی چارەنوسی باخ و ڤێلاكان، بەڕێوەبەری گشتی شارەوانییەكانی سلێمانیش دەڵێت:" بڕیاری تاپۆكردنیان نەدراوەو سەرجەمیان بە زیادەڕۆیی ئەژمار دەكرێن.

ئەندازیار كەمال مستەفا، بەڕێوەبەری گشتی شارەوانییەكانی سلێمانی، بە SNNی ڕاگەیاند: سەرجەم بەڕێوەبەرایەتییە گشتییەكانی شارەوانی لە پارێزگاكانی هەرێم، داوامان لەوەزارەتی شارەوانی كردووە كە چارەسەرێك بۆ كێشەی باخ و ڤێلاكان بدۆزنەوە.

وتیشی: وەزارەتی شارەوانی بەهەماهەنگی لەگەڵ وەزارەتی كشتوكاڵ، پڕۆژە یاسایەكیان بۆ ئەو مەبەستە ئاڕاستەی پەرلەمان كردووەن بەمەبەستی چارەسەركردنی.

كەمال مستەفا ئاشكرایكرد، تائێستا هیچ بڕیارێك نەدراوە بۆ تاپۆكردنی ئەو ڤێلای ناو باخەكان و سەرجەمیان بەزیادەڕۆیی ئەژمار دەكرێن، ئێمەش چاوەڕێی پەرلەمان دەكەین كە بابەتەكە بەلایەكدا بخات، یان زەوی و باخەكان بە خاوەنەكانیان بفرۆشرێتەوەو تاپۆبكرێن، یان بە موساتەحە بۆ ماوەی چەند ساڵێك پێیان دەدرێتەوە، یاخود لێیان دەسەندرێتەوە.

بەڕێوەبەری گشتی شارەوانییەكانی سلێمانی ئاماژەی بەوەشكرد، یاسای ژمارە 3 كە لەمانگی 5ی ساڵی 2018وە دەرچووە بۆلابردنی زیادەڕۆیی، ئەوەی لەدوای ئەو یاسایەوە باخ و ڤێلای كردووە، هەموویان لادەبرێن، بەڵام ئەوەی پێش ئەو یاسایە كردوویەتی، مامەڵەكەیان جیاواز دەبێت و پەرلەمان بڕیاری لەسەر دەدات، وتی: بەڵام ئەگەر هیچ ڕێنمایی و یاسایەكیش بۆ ئەوان دەرنەچێت، بەشێوەی زیادەڕۆیی مامەڵەیان لەگەڵدا دەكەین.


SNN:

سۆران سەعید

  2 مانگ پێشتر - Mar 14 2019 9:03PM
Print Friendly and PDF

بابەتی زیاتر
زۆرترین بینراو
  • 24 کاتژمێر
  • هەفتە
  • مانگ
نرخە جیهانیەکان
بۆ بەئاگابوون لە دواین زانیاریەکان
   
Tel: (+53) 320 0475
© Copyright 2018 SNN. All Rights Reserved.