هەواڵ
ڕێوشوێنكی نوێ بۆ دابەشكردنی موچە دەگیرێتەبەر
بۆ لەمەودوا لەكاتی دابەشكردنی موچەی فەرمانبەران و مامۆستایان ڕێوشوێنی ئەمنی توند دەگیرێتەبەر، وەزارەتی ناوخۆی حكومەتی هەرێمیش پەیامێك ئاڕاستەی سەرجەم فەرمانبەران و فەرمانگەكان دەكات، بەڕێوەبەری یەكێك لەپەروەردەكانی سلێمانیش ڕونكردنەوەی زیاتر دەدات.

ڕۆژی سێشەممە 13ی 3ی 2019 لەشاری سلێمانی باندێكی چەتەگەری ملیارێك دیناری نەخۆشخانەی شاریان ڕفاندو دوای 15 كاتژمێر لەلایەن هێزە ئەمنیەكانی سلێمانیەوە تەواوی ئەندامانی باندەكە دەستگیركران و پارەكەش گەڕێندرایەوە بۆ نەخۆشخانەكە.
لەو ڕوەشەوە لیوای یاسایی جەلال كەریم عیسا بریكاری وەزارەتی ناوخۆی حكومەتی هەرێم بەSNNی ڕاگەیاند، "هەر فەرمانگەو دامەزراوەیەك لەكاتی دابەشكردنی موچە پێویستی بەهاوكاری هێزەكانی پۆلیس و ناوخۆ هەبێت، بۆیان دابیندەكرێت و هاوكاری ئەو تیمانەش دەكەین تائەوكاتەی موچەكە دەگەیەننە شوێنی خۆی".
لەبەرامبەریشدا مامۆستا بەكر محەمەد بەڕێوەبەری پەروەردەی ڕۆژئاوای سلێمانی بەSNNی ڕاگەیاند، "پێشتر دابەشكردنی موچەی پەروەردە لەڕێگەی ژمێریارەكانەوە خۆیان دەهاتنە پەروەردەكان و موچەیان دابەشدەكرد".
ئەوەشی ڕونكردەوە، "ئەو حاڵەتەی كە ڕۆژی سێشەممەی ڕابردوو لەسلێمانی ڕویدا، جۆرێك ئاگاداركردنەوەیە بۆ ئێمەش كە دەبێت بۆ لەمەودوا ڕێوشوێنی توند بگرینەبەرو لەكاتی دابەشكردنی موچە بەهاوكاری هێزەكانی پۆلیس كە لەپەروەردە لەئەركدان، لەگەڵ لیژنەی موچە هاوكاردەبن تائەوكاتەی موچەكە دەگەیەنرێتە پەروەردەكان".
پەیوەست بەخوێندنگەكانیش مامۆستا بەكر ئەوەشی وت:"موچەی چەند خوێندنگەیەك بەو ڕێژەیە نییە كە جۆرێك ترس دروستبكات، بەڵام لەگەڵ ئەوەشدا ژمارەیەك خوێندنگە هەیە بڕی پارەی موچەكانیان زۆرەو پێویستی بەوە هەیە كە هێزی ئەمنیان لەگەڵ بێت تا دەگەنە خوێندنگەكان".
ئەو بەڕێوەبەرەی پەروەردە زیاتر لەوبارەیەوە وتی:"بەهاوكاری هێزە ئەمنیەكان هەر پەروەردەو خوێندنگەیەك پێویستی بەهێزی ئەمنی هەبێت هاوكاری دەكرێن".
هاوكات نەقیب سەركەوت ئەحمەد بەرێوەبەری ڕاگەیاندن و پەیوەندییەكانی  پۆلیسی سلێمانی بەSNNی ڕاگەیاند، "بۆ لەمەودوا هەر فەرمانگەو دامەزراوەیەك لەكاتی وەرگرتنی موچە پێویستیان بەهێزە ئەمنیەكان و پۆلیس هەبێت، تیمی تایبەتیان لەهێزە ئەمنیەكان بۆ دابیندەكەین تائەوكاتەی موچەكە دەگەیەنرێتە شوێنی خۆی".


SNN:

سامان بەختیار

 4 ڕۆژ پێشتر - Mar 15 2019 9:19PM
Print Friendly and PDF

بابەتی زیاتر
زۆرترین بینراو
  • 24 کاتژمێر
  • هەفتە
  • مانگ
نرخە جیهانیەکان
بۆ بەئاگابوون لە دواین زانیاریەکان
   
Tel: (+53) 320 0475
© Copyright 2018 SNN. All Rights Reserved.