هەواڵ
نرخی بەنزین جێگیردەكرێت و كوالێتیەكەی بەرزدەكرێتەوە
نرخی بەنزین لەشاری سلێمانی جێگیردەكرێت و گرانكردنی نرخیش بەهۆی بەرزكردنەوەی ئاستی كوالێتی ڕەتدەكرێتەوە، وتەبێژی بەنزینخانەكانی شارەكەش ڕایدەگەیەنێت، "گرنگی بەكوالێتی دەدەین".

بەهمەن شێخ قادر وتەبێژی بەنزینخانەكانی سلێمانی بەSNNی ڕاگەیاند، "لەئێستادا نرخی بەنزین لەپارێزگای سلێمانی جێگیركراوەو بەنزینی نۆرماڵ (625) دینارو محەسەن (700) دینارو سوپەریش بە(800) دینارە، هیچ هەوڵێكیش لەئارادانییە بۆئەوەی گران بكرێن".
زانیاری زیاتریشی لەبارەی بەنزینی سنوری پارێزگاكان خستەڕوو، ئەو وتی:"لەهەندێك بەنزینخانەی دەرەوەی سەنتەری پارێزگای سلێمانی نرخەكەی دابەزیوە، بەڵام بەشێوەی تێكڕایی، پشت بەو نرخانە دەبەسترێت زیاتر كە لەسەنتەری شاردایە".
سەبارەت بەكوالێتی بەنزینیش، ڕایگەیاند، "لەمەودوا جەخت لەسەر كوالێتی بەنزین دەكەینەوە بەتایبەت لەئێستادا كە بەرەو وەرزی گەرما دەڕۆین و خواستی زۆریش لەسەر بەنزین دروستدەبێت، هەرچەند ئێستا كوالێتی زۆرباشە، هەوڵدەدەین كوالێتی باشتر دەكەین، بۆئەوەی زیان بەئۆتۆمبێلی هاوڵاتیان نەگات".
وتەبێژی بەنزینخانەكانی سلێمانی جەختیشیكردەوە، "بەهیچ جۆرێك لەبەرنامەدا نییە بەهۆی گرنگیدان بەكوالێتی نرخەكەی بەرزبێتەوە".


SNN:

ڕەنج تاڵیب

 4 ڕۆژ پێشتر - Mar 15 2019 11:26PM
Print Friendly and PDF

بابەتی زیاتر
زۆرترین بینراو
  • 24 کاتژمێر
  • هەفتە
  • مانگ
نرخە جیهانیەکان
بۆ بەئاگابوون لە دواین زانیاریەکان
   
Tel: (+53) 320 0475
© Copyright 2018 SNN. All Rights Reserved.