هەواڵ
موچەی چەند مانگێکی خانەنشینان دابەشدەکرێت.. دارایی رەزامەندی دەربڕی
وەزیری دارایی حكومەتی هەرێم، رەزامەندی لەسەر خەرجكردنی موچەی چەند مانگێكی خانەنشینان دەدات، بەڕێوەبەری خانەنشینی شارستانی سلێمانیش رایدەگەیەنێت: چاوەڕێی نووسراوەكە دەكەین بۆئەوەی بزانین بەچ شێوەیەك موچەكەیان بۆ خەرج بكەین.

بەگوێرەی زانیارییەكانی SNN، وەزیری دارایی رەزامەندی لەسەر خەرجكردنی موچەی چەند مانگێكی خانەنشینانی لەدایكبووی 1954 و 1955 داوە، كە لەدوای خانەنشینبوونیان چەند موچەیەكیان پێنەدراوە.

هەر لەزانیارییەكاندا هاتووە، نووسراوەكەی وەزیری دارایی رەوانەی ژمێریاری كراوەو ئاماژە بەوەكراوە كە بەشێوەیەكی بەپەلە كاریان بۆ بكرێت، بۆیە چاوەڕێدەكرێت لەم هەفتەیەدا بڕیاری خەرجكردنی موچەكانیان بگاتە گەنجینەكان".

لەلایەن خۆشییەوە، درەخشان عەزیز بەڕێوەبەری خانەنشینی شارستانی سلێمانی بە SNNی راگەیاند: وەزیری دارایی و كاروباری ئابووری حكومەتی هەرێم رەزامەندی دەربڕیوە لەسەر خەرجكردنی موچەی خانەنشینانی لەدایكبوونی (1954 و 1955) كە چەند موچەیەكیان پێنەدراوە.

وتیشی: "خەرجكردنی پارەكە هەندێك رێكاری ماوە، لەئێستادا لیستی موچەی ئەم مانگەمان كردووە، بەڵام هەركاتێك نووسراوی خەرجكردنی موچەكەیان بگاتە دەستمان و رەوانەی گەنجینەكان بكرێت، بۆیان دەخرێتەسەر لیستی موچەكانیان، بۆیە جارێ نازانین میكانیزمی خەرجكردنەكەی چۆن دەبێت".


SNN:

شاهۆ خوارەحم

 مانگ پێشتر - Apr 20 2019 8:08PM
Print Friendly and PDF

بابەتی زیاتر
زۆرترین بینراو
  • 24 کاتژمێر
  • هەفتە
  • مانگ
نرخە جیهانیەکان
بۆ بەئاگابوون لە دواین زانیاریەکان
   
Tel: (+53) 320 0475
© Copyright 2018 SNN. All Rights Reserved.