هەواڵ
پەیامێك ئاراستەی كەمئەندامان دەكرێت.. موچە نەدراوەكانیان وەردەگرن
بەڕێوەبەرایەتی چاودێری و كۆمەڵایەتی سلێمانی، زانیاری لەبارەی دابەشنەكردنی موچەی ئەو كەمئەندامانە دەدات كە تانەیان لەپشكنینی پزیشكی داوەو دووبارە پشكنینان بۆكراوەتەوە، بەڕێوەبەری فەرمانگەگەش ڕاشیدەگەیەنێت: مافیان نافەوتێت و هاوشێوەی كەمئەندامان و موچەخۆرانی دیكە موچەیان بۆ خەرجدەكرێتەوە.

عومەر گوڵپی، بەڕێوەبەری گشتی چاودێری و كۆمەڵایەتی سلێمانی بەSNNی ڕاگەیاند هۆكاری پێنەدانی موچە بەو كەمئەندامانەی تانەیان لەئەنجامەكان هەبووەو دووبارە پشكنینان بۆ كراوە، بۆ ئەوە دەگەڕێتەوە كە تا ئەو كاتەی پشكنین بۆ تەواوی كەمئەندامان دەكرێت، موچەی ئەو كەمئەندامانە دابەشناكرێت كە پشكنینان بۆ كراوەو لەپشكنینەكاندا دەرچوون.

وتیشی: نزیكەی 2300 كەمئەندام كە بەگوێرەی یاسا مافی خۆیانە هاوكاری كەمئەندامیان پێبدرێت و هەفتەی رابردوو لیستی ناوەكانیانم بۆ هەولێر بردووە، بەڵام پێم راگەیەنرا تا ئەوكاتەی پشكنین بۆ تەواوی كەمئەندامان بەكۆتا دێت، ئەو كات موچە بەسەرجەم ئەو كەم ئەندامانە دەدرێت كە دووبارە پشكنینان بۆ كراوەو لە پشكنینەكاندا بەگوێرەی مەرج و رێنماییەكان دەرچوون.

رونیشیكردەوە، هەركات كاری پشكنینە پزیشكییەكان كۆتایی هات، موچەی مانگەكانی رابردووی ئەو كەمئەندامانە كە وەریان نەگرتووە، بۆیان خەرجدەكرێت.


SNN:

سامان بەختیار

 مانگ پێشتر - Apr 20 2019 9:12PM
Print Friendly and PDF

بابەتی زیاتر
زۆرترین بینراو
  • 24 کاتژمێر
  • هەفتە
  • مانگ
نرخە جیهانیەکان
بۆ بەئاگابوون لە دواین زانیاریەکان
   
Tel: (+53) 320 0475
© Copyright 2018 SNN. All Rights Reserved.