هەواڵ
دارایی لەبارەی دانەوەی قەرزەکان ھۆشداری بەحکومەت دەدات
لیژنەی دارایی لەپەرلەمانی کوردستان لەبارەی دانەوەی قەرزەکان ھۆشداری بەحکومەت دەدات، ئەندامێکی لیژنەکەش بەپێویستی دەزانێت وەزارەتی دارایی  ستراتیژێکی باش بۆ دانەی قەرزەکان دابنێت، دەشڵێت:"نابێت بەرنامەی وەزارەتی دارایی کاریگەری لەسەر موچەو ژیانی فەرمانبەران و پڕۆژەکان ھەبێت".

زیاد جەبار ئەندامی لیژنەی دارایی لەپەرلەمانی کوردستان بەSNNی ڕاگەیاند، "قەرزەکانی حکومەت جۆراوجۆرەو بەشێکیان ھی کۆمپانیاکانی نەوتەو بەشێکی دیکەش قەرزی بانکەکانی ھەرێمی کوردستانەو بەشێکی دیکەش قەرزی فەرمانبەرانە".

ئەو ئەندامەی لیژنەی دارایی بەپێویستی دەزانێت، وەزارەتی دارایی حکومەتی ھەرێم لەکابینەی نوێدا ستراتیژێکی باش بۆ دانەوەی قەرزەکان دابنێت، "بەشێوەیەک کاریگەری لەسەر موچەو ژیانی فەرمانبەران و پڕۆژەکانی حکومەت نەبێت".

ئەوەشی وت:"زۆر گرنگە وەزارەتی دارایی بەرنامەیەکی درێژخایەن بۆ دانەوەی قەرزەکان دابنێت و بەرنامەکەش ڕون و ئاشکرابێت بۆ پەرلەمانتاران و بۆ ھاوڵاتیانیش بەگشتیی".

لێدوانی ئەو پەرلەمانتارە لەکاتێکدایە، ساڵی ٢٠١٦ سەفین دزەیی وتەبێژی حکومەتی ھەرێم ئاشکرایکردبوو، ھەرێمی کوردستان ١٨ ملیار دۆلار قەرزارە ئەمە جگە لەملیارێکی دیکەی تورکیاش، ھاوکات لەچەند ڕۆژی ڕابردوش وەزارەتی دارایی ئاشکرایکردبوو، توانیویانە ملیارێک دۆلار قەرز بدەنەوە.

لەلایەکی دیکەشەوە د.شێرکۆ جەودەت لەخولی ڕابردوی پەرلەماندا کە سەرۆکی لیژنەی پیشەسازیی و وزەو سەرچاوە سروشتییەکان بوو ئاشکرایکردبوو، لەئێستادا حکومەتی ھەرێم زیاتر لە ٢٥ ملیار دۆلاری کۆمپانیاکانی نەوت و غاز قەرزارەو ٨ ملیار دۆلاریش پاشەکەوتی موچەی فەرمانبەرانی لایە، بەڵام عەلی حەمەساڵح جەختیکردۆتەوە، حکومەتی ھەرێم ٣٠ ملیار دۆلار قەرزدارە.


SNN:

خێڵان ڕەئوف

 هەفتە پێشتر - May 15 2019 3:47PM
Print Friendly and PDF

بابەتی زیاتر
زۆرترین بینراو
  • 24 کاتژمێر
  • هەفتە
  • مانگ
نرخە جیهانیەکان
بۆ بەئاگابوون لە دواین زانیاریەکان
   
Tel: (+53) 320 0475
© Copyright 2018 SNN. All Rights Reserved.