هەواڵ
بەهۆی هەرەسی ناعورێكەوە سێ كەس بون بەژێر خاكەوە
بەهۆی هەرەسی ناعورێكەوە سێ كەس دەبن بەژێر خاكەوەو پۆلیسی گەرمیانیش زانیاری زیاتر لەوبارەیەوە ئاشكرادەكات.

لەڕاگەیەنراوێكدا كە وێنەیەكی بۆ SNN نێردراوە تێیدا ڕائیدی مافپەروەر عەلی جەمال قەدوری بەڕێوەبەری ڕاگەیاندنی پۆلیسی گەرمیان ئاشكرایكردوە، "بەیانی ئەمڕۆ هەینی لەگوندی حەساری سەر بەناحیەی مەیدان لەكاتێكدا بەحەفارە سەرقاڵی هەڵكەندنی ناعوری ئاو بون زیاتر لە (10) مەتر ناعورەكەیان قوڵكردوەو خۆیان لەنێویدا بون لەپڕ لێواری ناعورەكە ڕوخاوە بەسەریاندا".

ئەوەشی ڕونكردۆتەوە، "لەئێستادا شۆفێری حەفارەكە ڕزگاری بوەو سێ هاوڵاتی 10 مەتر خاك بەسەریاندا كەوتوەو تیمەكانی فریاكەوتن و پۆلیس سەرقاڵی دەرهێنانی ئەو سێ هاوڵاتیەن".

باسی لەوەشكردوە، "ئەو سێ هاوڵاتیە دانیشتوی قەزای كەلارن و خەڵكی گوندحەسارن بەیانی ئەمڕۆ بەمەبەستی دروستكردنی ناعوری ئاو بۆبەكارهێنانی كشتوكاڵ ڕویان لەو ناوچەیە كردوە".


SNN:

بەشی هەواڵ

 هەفتە پێشتر - Oct 12 2018 11:02AM
Print Friendly and PDF

بابەتی زیاتر
زۆرترین بینراو
  • 24 کاتژمێر
  • هەفتە
  • مانگ
نرخە جیهانیەکان
بۆ بەئاگابوون لە دواین زانیاریەکان
   
Tel: (+53) 320 0475
© Copyright 2018 SNN. All Rights Reserved.