هەواڵ
ژمارەیەكی زۆر جوچكی زیندوو فڕێدەدرێن..قائیمقامیەت هاتەدەنگ
لەسەر ڕێگەی سەرەكی (كەلار ـ سلێمانی) ژمارەیەكی زۆر جوچكەی زیندوو فڕێدەدرێت و ترس و دڵەڕاوكێ‌ لای هاوڵاتیان بڵاوبۆتەوە، قائیمقامیەتی قەزای كەلاریش ڕونكردنەوە لەوبارەیەوە دەدات و ڕایدەگەیەنێت، "دوای لێكۆڵینەوە دەركەوتوە ئەو جوچكانە هەڵگری هیچ ڤایرۆسێك نین".

بەگوێرەی ڕاگەیەنراوێكی قائیمقامیەتی قەزای كەلار كە وێنەیەكی دەست SNN كەوتوە تێیدا هاتوە ((دوای ئەوەی شەوی ڕابردوو لەسەر ڕێگەی (كەلار ـ سلێمانی)و نزیك ناحیەی باوەنور ژمارەیەكی زۆر جوچكەی زیندوو فڕێدران، شەهاب حاجی ئەحمەد قائیمقامی كەلار لەڕێگەی لایەنە پەیوەندیدارەكانەوە بەدواداچونی بۆ ئەو حاڵەتە كردوە)).

هەروەك ڕونكردنەوەی زیاتر لەوبارەیەوە دراوەو ئاماژەكراوە، "دەركەوت هۆكارەكەی لەبەرئەوەبوە ئەو جوچكانە نەتوانراوە لەماوەی 48 كاتژمێردا لەكارگەوە بگەیەنرێنە كێڵگەكانی پەلەوەر، لەبەرئەوەش هیچ خاوەن كێڵگەیەك ئامادەنەبوە بیانكڕێت، چونكە بەگوێرەی میكانیزمی بەخێوكردنی، دوای تێپەڕینی 48 كاتژمێر لەناو كێڵگەش خواردنیان پێبدرێت هەر مردار دەبنەوەو لەناودەچن".

پەیامێكی دڵنیاییش بەهاوڵاتیان دراوەو جەختكراوەتەوە لەسەرئەوەی، "لەو ڕوەشەوە قائیمقامیەتی كەلار هاوڵاتیان دڵنیادەكاتەوە، لەڕێگەی ڤێرتەرنەری گەرمیانەوە بەدواداچونی ورد كراوە كە ئەو جوچكانە لەڕوی تەندروستیەوە مەترسیان لەسەر نییەو هەڵگری هیچ ڤایرۆس و نەخۆشیەك نین".

لەكۆتایی ڕاگەیەنراوەكەدا باس لەوەشكراوە، "لەلایەن هێزە ئەمنیەكانەوە لێكۆڵینەوەكان بەردەوامن بۆ دۆزینەوەو دەستگیركردنی ئەو شۆفێرەی كە جوچكەكانی فڕێداوە".


SNN:

بەشی هەواڵ

  2 مانگ پێشتر - Oct 12 2018 2:24PM
Print Friendly and PDF

بابەتی زیاتر
زۆرترین بینراو
  • 24 کاتژمێر
  • هەفتە
  • مانگ
نرخە جیهانیەکان
بۆ بەئاگابوون لە دواین زانیاریەکان
   
Tel: (+53) 320 0475
© Copyright 2018 SNN. All Rights Reserved.