هەواڵ
یەکگرتوی ئیسلامی پەنا بۆ ڕاپرسی دەبات..بڕیاری کۆتایی دەدات
یەکگرتوی ئیسلامی لەبارەی بەشداریکردن لەحکومەتە خۆجێیەکان بڕیاری ڕاپرسی لەناوخۆی حزبەکەی دەدات، سەرکردایەتیەکی ئەو حزبەش زانیاری زیاتر لەوبارەیەوە ئاشکرادەکات و ڕایدەگەیەنێت، "دوای ڕاپرسی ناوخۆیی، خاڵە پەیڕەویەکان جێبەجێدەکەین و دواتر بڕیاری یەکلاکەرەوە دەدەین".

د.شێرکۆ جەودەت ئەندامی ئەنجومەنی سەرکردایەتی یەکگرتوی ئیسلامی بەSNNی ڕاگەیاند، "تائێستا گفتوگۆمان لەسەر بەشداریکردن لەھەڵبژاردنی ئەنجومەنی پارێزگاکان و بەشداریی حکومەتە خۆجێیەکان نەکردوە، چونکە کەس نازانێت ئەو ھەڵبژاردنە کەیی و چۆن دەکرێت، بەڵام ھەموو ئەگەرێک لەبەردەماندا کراوەیە".

وتیشی:"لەئێستادا قسەمان لەسەر ھەڵبژاردنی پەرلەمانی کوردستانە کە ساختەکاریەکی زۆری تێداکراوە، لەبەرنامەشماندایە ڕاپرسی ناوخۆیی بکەین و خاڵە پەیڕەویەکان جێبەجێدەکەین و دواتر بڕیاری یەکلاکەرەوە لەبارەی بەشداریکردن لەپێکھێنانی حکومەتی ھەرێم و حکومەتە خۆجێییەکان دەدەین".


SNN:

خێڵان ڕەئوف

  2 مانگ پێشتر - Oct 12 2018 6:55PM
Print Friendly and PDF

بابەتی زیاتر
زۆرترین بینراو
  • 24 کاتژمێر
  • هەفتە
  • مانگ
نرخە جیهانیەکان
بۆ بەئاگابوون لە دواین زانیاریەکان
   
Tel: (+53) 320 0475
© Copyright 2018 SNN. All Rights Reserved.