هەواڵ
پەروەردە ڕونكردنەوە لەبارەی ڕۆژانی پشوو دەدات
پەروەردەی سلێمانی، روونكردنەوە لەبارەی پشووی وەرزی یەكەمی ساڵی خوێندنی ئەمساڵ دەدات و بەڕێوەبەری پەروەردەی ڕۆژئاواش رایدەگەیەنێت: سودمەندبوونی فەرمانبەرانی خوێندنگەكان لەو پشووە، بەدەست بەڕێوەبەری خوێندنگەیە.

مامۆستا بەكر محەمەد، بەڕێوەبەری پەروەردەی ڕۆژئاوا لە سلێمانی، بە SNNی ڕاگەیاند: تاقیكردنەوەكانی وەرزی یەكەمی ئەمساڵی خوێندنی 2018 - 2019 لەڕۆژی چوارشەممە 16ی 1ی 2019 كۆتایی پێدێت و لە17 ی مانگەوە پشووی خوێندكاران و مامۆستایان دەستپێدەكات.

رونیشیكردەوە  پشوەكەی وەرزی یەكەم تا 22ی 1ی 2019یە و لە23ی 1ی 2019 وەرزی دوەمی  ساڵی خوێندن دەستپێدەكاتەوەو دەوام ئاساییە.

لەبارەی سوودمەندبوونی فەرمانبەرانی خوێندنگەكانیش لە ڕۆژانی پشوو، بەڕێوەبەری پەروەردەی ڕۆژئاوا لە سلێمانی وتی: بریاردان لەو بارەیەوە لەلایەن بەڕێوەبەری خوێندنگەكانەوە یەكلادەكرێتەوەو تیایدا فەرمانبەران خشتەیەكیان بۆ دادەنرێت و چەند ڕۆژێك دەوام دەكەن و كارەكانی تاقیكردنەوەكە رایی دەكەن، چەند رۆژێك پشوو وەردەگرن.

ئاماژەی بەوەشكرد، توێژەرانی كۆمەڵایەتی  هاوشێوەی مامۆستایان ئەو ڕۆژانەی كە دەوام نییە لەخوێندنگەكان، پشووەكە دەیانگرێتەوە، بەڕێوەبەرایەتی پەروەردەش ئەو هەفتەیە دەوامیان ئاساییە و سەرجەم مامەڵەكان وەك رۆژانی دیكە رایی دەكرێن.


SNN:

سامان بەختیار

  2 مانگ پێشتر - Jan 12 2019 6:38PM
Print Friendly and PDF

بابەتی زیاتر
زۆرترین بینراو
  • 24 کاتژمێر
  • هەفتە
  • مانگ
نرخە جیهانیەکان
بۆ بەئاگابوون لە دواین زانیاریەکان
   
Tel: (+53) 320 0475
© Copyright 2018 SNN. All Rights Reserved.