هەواڵ
بڕیارێكی نوێ لەبارەی تاپۆكردنی خانووی گوندەكانەوە دەردەچێت
شارەوانی سلێمانی بەردەوامە لەسەر پڕكردنەوەی فۆرم بۆ ئەو 20 گوندەی دەكەونە ناو ماستەر پلانی شارەكە بۆئەوەی تاپۆبكرێن، جێگری سەرۆكی شارەوانیش رایدەگەیەنێت: پڕكردنەوەی فۆرمەكان تاوەكو 30ی 3ی 2019 درێژكراوەتەوەو دوای ئەوەش ئەگەر فەرمانمان پێكرا، مامەڵەكان رەوانەی تاپۆ دەكەین.

ئاكۆ عەلی، جێگری سەرۆكی شارەوانی سلێمانی بە SNNی راگەیاند: پڕكردنەوەی فۆرمی گوندەكانی سنووری ناو ماستەرپلانی سلێمانی بەردەوامەو بڕیاردراوە تاوەكو 30ی 3ی 2019 فۆرم پڕبكرێتەوە.

وتیشی: "فەرمانی درێژكردنەوەی وادەی پڕكردنەوەی فۆرمەكان دراوە بەلیژنەكە، دوای ئەوەش سەرجەم ئەو داتایانەی وەرگیراون، چێك دەكرێت و هەموو رێوشوێنەكان ئامادە دەكەین، ئەگەر لەسەرو خۆمانەوە فەرمانمان پێكرا، ئەوكاتە هەموو مامەڵەكان بەئامادەكراوی دەنێرین بۆ تاپۆ بۆئەوەی رێوشوێنی پێویستی بۆ بگیرێتەبەر".

راشیگەیاند: راستە رێنمایی تاپۆكردنی گوندەكان دەرچووە، بەڵام دەبێت لەسەرو خۆمانەوە فەرمانمان پێبكرێت، كە لە چ گوندێكەوە دەستپێبكەین، ئەوكاتە مامەڵەكان رەوانەی تاپۆ دەكەین.


SNN:

شاهۆ خوارەحم

  2 مانگ پێشتر - Jan 12 2019 7:31PM
Print Friendly and PDF

بابەتی زیاتر
زۆرترین بینراو
  • 24 کاتژمێر
  • هەفتە
  • مانگ
نرخە جیهانیەکان
بۆ بەئاگابوون لە دواین زانیاریەکان
   
Tel: (+53) 320 0475
© Copyright 2018 SNN. All Rights Reserved.