رێكخراوە ژینگەییەكان لە سوتاندنی دارستانە سروشتییەكان هۆشداری دەدەن

0
353

SNN-عەلی حەمە سەعید

لەگەڵ هاتنی وەرزی گەرما و كەوتنەوەی ئاگر لە دارستان و پاوانە سروشتییەكان، رێكخراوە ژینگەییەكان هۆشداری دەدەن و داوا دەكەن یاسای ژمارە (10) تایبەت بە پاراستنی دارستانی ساڵی 2012 چالاك بكرێت، بەڕێوەبەری دارستان و پاوانی هەڵەبجە دەڵێت”لە كۆی 60 هەزار دۆنم دارستانی سروشتی تەنها 25 فەرمانبەرمان هەیە بۆ پاراستنی ئەو رووبەرە بەرفروانانە”.

لە راگەیەندراوێكدا كە وێنەیەكیان بۆ SNN نادووە، رێكخراوی ئایندە بۆ پاراستنی ژینگە هەڵمەتێكی بۆ هۆشیاركردنەوەی هاووڵاتیان بەرامبەر زیانەكانی سوتان و ئاگركەوتنەوە لەسەر پاوان و دارستانە سروشتییەكان دەستپێكردوە و ئاماژە بەوە دەكەن، بەهۆی بارانبارینی ئەمساڵەوە زۆرترین پوش و پاوان بونی هەیە، ئەوەش مەترسی زیاتری گڕگرتن و كۆنتڕۆڵی ئاگرەكان ئەستەمتر دەكات، هاوكات بەهۆی زۆری دارستانی سروستی لە هەرێمی كوردستاندا، سەرەرای بونی پۆلیسی پاراستنی ژینگە، بەڵام بەهۆی نەبونی بوودجەی باش و ئامێرەكانی ئاگر كوژێنەوە وەكو پێویست ناتوانرێ مەترسییەكان كەمبكرێتەوە.

ئەوەشخراوەتەڕوو، لە سۆنگەی هەستكردنمان بە پاراستنی ژینگە و سروشتی كوردستان داوادەكەین لەو شوێنانەی پوش و پاوەنی تێدایە بەهیچ شێوەیەك ئاگر نەكرێتەوە وبەهیچ شێوەیەك شوشەی بەتاڵ و ماددە زەڕەبینییەكان لەو شوێنانە فڕێنەدرێن، دەزگاكانی ڕاگەیاندن چەندین بەرنامە و بەدواداچوون و هۆشیاری تایبەت لەسەر ئاگر و مەترسییەكانی بڵاو بكەنەوە، بۆیە وەك ڕێكخراوی ئایندە بۆ پاراستنی ژینگە داوا دەكەین یاسای ژمارە 10 ی ساڵی2012 دارستان چالاك بكرێت و كاری پێبكرێت.

لای خۆیەوە محەمەد محمود، بەڕِێوەبەری دارستان و پاوانی هەڵەبجە بە SNNی ڕاگەیاند: لە سنوری پارێزگای هەڵەبجە هەزار و 900 دۆنم دارستانی دەستكرد و 58 هەزار دۆنم دارستنی سروشتیمان هەیە كە بە تێكڕا زیاد لە 60 هەزار دۆنم دارستانە، بۆ هەموو ئەو رووبەرە تەنها 25 فەرمانبەرمان لەبەردەستدایە، كە ساڵانە بە هۆی ئاگركەوتنەوەوە بە هەزاران دۆنم دەسوتێت زیانێكی گەورەی مادیشمان لێدەكەوێتەوە بە تەنها توانای كۆنتڕۆڵكردنی ئاگرەكانمان نییە ئەگەر یارمەتی و هۆشیاری هاووڵاتیانمان لەگەڵدا نەبێت.

بەشی بکە لە
تاگەکانژینگە
Previous Next
Close
Test Caption
Test Description goes like this