گلدانەوەی ئاوی عێراق لەلایەن تورکیاوە نیگەرانی دروستکردووە

0
514

SNN

دوای ئەوەی تورکیا لە بەنداوێکی نوێی لەسەر رووباری دیجلە دەستی بە گلدانەوەی ئاو کرد، ئاستی ئەو رووبارە لە عێراق کەمبووەتەوە و  پەرلەمانتارێکی عێراق داوا دەکات هەرچی زووە حکومەتی بەغدا فشار بکاتە سەر تورکیا تا رێژەی ئاوی خۆی بۆ عێراق زیاد بکات.

مەنسور بەعیجی ئەندامی لیژنەی کشتوکاڵ لە پەرلەمانی عێراق رایگەیاند: دەبێت حکومەتی عێراق رێگەی ئابووری لەو وڵاتانە بگرێت کە ئاو دەدەنە عێراق بەتایبەت تورکیا.

وتیشی: “دەبێت مستەفا کازمی سەرۆکوەزیرانی عێراق هەرچی رێگەیەکی لەبەردەستە بەکاری بهێنێت بۆ ناچارکردنی تورکیا کە ئاوی زیاتر بەربداتەوە و کێشەکەشی بە جەنگی ئاو وەسفکرد”.

ساڵی 2019 بەبڕی 16 ملیار دۆلار ئاڵوگۆڕيی بازرگانی لەنێوان عێراق و تورکیادا هەبووە، ئەو پەرلەمانتارە وتی: “دەبێت بەڕێگە و چەکی ئابووری ئەنکەرە ناچار بکرێت بیر لەکەمکردنەوەی بەشە ئاوی عێراق نەکات.

ئاوی دیجلە و فورات دوو شادەماری گرنگی عێراقن کە لەڕێیانەوە کشتوکاڵ و ئاودێری پەرەی پێدەدرێت.

هەفتەی رابردوو تورکیا ئاوی کردە ناو بەنداوە تازەکەیەوە کە ناوی ئەلیسۆیە و لەساڵی 2016 ەوە دەستیپێکردووە و ئەمساڵ کۆتایی بەبنیادنانی هات.

بەشی بکە لە
Previous Next
Close
Test Caption
Test Description goes like this