هه‌ڵاوسان به‌رۆكى 19 وڵاتى ئه‌وروپا ده‌گرێت
بیناى سه‌ره‌كى یه‌كێتى ئه‌وروپا | فۆتۆ EUobserver
بڵاوبوونه‌وه‌ى ڤایرۆسى كۆرۆنا و داكشانى ئابوورى جیهان بووه‌ته هۆكارى به‌رزبوونه‌وه‌ى رێژه‌ى هه‌ڵاوسان له ئه‌وروپا به ئه‌ندازه‌یه‌ك له ساڵى 2016ه‌وه یه‌كێتى ئه‌وروپا رێژه‌ى واى به‌خۆیه‌وه نه‌بینيووه.
به‌گوێره‌ى راپۆرتێكى نوسینگه‌ى ئاماره‌كانى یه‌كێتى ئه‌وروپا (یوروستات)، “هه‌ڵاوسانى ئابوورى كه به‌واتاى (كه‌مبوونه‌وه‌ى به‌هاى پاره و به‌ربوونه‌وه‌ى نرخ دێت)، به‌رۆكى 19 وڵاتى ئه‌وروپاى گرتووه، نرخى خۆراك و ده‌رمانیش به‌شێوه‌یه‌كى به‌رچاو بڵاوبووه‌ته‌وه”.
به‌هۆى بڵاوبوونه‌وه‌ى ڤایرۆسى كۆرۆنا نرخى وزه له ئه‌وروپا به‌ڕێژه‌ى 12٪ دابه‌زیووه له به‌رامبه‌ردا نرخى كه‌لوپه‌لى خۆراكى به‌ڕێژه‌ى 6.5٪ به‌زربووه‌ته‌وه، ئه‌مه‌ش بووه‌ته هۆكارى دروستبوونى هه‌ڵاوسان.
به‌گوێره‌ى زانیارییه‌كانى ناو راپۆرته‌كه‌ى (یوروستات)، “رێژه‌ى هه‌ڵاوسانه‌كه له مانگى رابردوودا به‌ڕێژه‌ى 0.3% زیادیكردووه، ئه‌مه‌ش به‌رزترین رێژه‌یه كه وڵاتانى یه‌كێتى ئه‌وروپا به‌خۆیانه‌وه بینیبێتیان له ساڵى 2016ه‌وه”.
ئه‌و نووسینگه‌یه ئه‌وه‌شى نه‌شاردووه‌ته‌وه كه “به‌رزبوونه‌وه‌ى رێژه‌ى هه‌ڵاوسان كێشه‌ى ئابوورى بۆ بانكى ناوه‌ندى یه‌كێتى ئه‌وروپا دروستكردووه”.
ئه‌وروپا له ئێستادا یه‌كێكه له‌و كیشوه‌رانه‌ى ڤایرۆسى كۆرۆنا به‌شێوه‌یه‌كى به‌رچاو تێیدا بڵاوه، به‌شێوه‌یه‌ك: له ئیسپانیا 285 هه‌زار و 644 كه‌س تووشبوون، له به‌ریتانیا 271 هه‌زار 222 كه‌س تووشبوون، له ئیتالیا 232 هه‌زار و 248 حاڵه‌تى تووشبوون تۆماركراون، له فه‌ڕه‌نسا 186 هه‌زار و 835 حاڵه‌ت ده‌ستنیشانكراون و له ئه‌ڵمانیاش 183 هه‌زار و 19 كه‌س تووشبوون.
پەرەپێدراوە و دروستکراوە