سلێمانى: خوێندكارانى په‌یمانگاكان داواده‌كه‌ن بڕیاره‌كانى وه‌زاره‌تى په‌روه‌رده‌ بیانگرێته‌وه‌

0
239
وێنه‌یه‌كى گردبوونه‌وه‌كه‌ | فۆتۆ: هه‌وراز ئه‌حمه‌د / SNN

SNN – هه‌وراز ئه‌حمه‌د
ئه‌مڕۆ شه‌ممه‌ خوێندکارانی قۆناغی پێنجی سێ په‌یمانگاى حكومى و تایبه‌ت گردبوونه‌وه‌یه‌كیان له‌به‌رده‌م پەروەردەی ڕۆژئاوا له‌ شارى سلێمانى ئه‌نجامدا، داواكارییه‌كیان ئاراسته‌ى وه‌زیرى په‌روه‌رده‌ كرد.

ئه‌و خوێندكارانه‌ى كه‌ گردبوونه‌وه‌كه‌یان سازكردووه‌ بریتین له‌ خوێندكارانى قۆناغى پێنجى په‌یمانگاكانى: كۆمپیوته‌ر و هونه‌ره‌ جوانه‌كان و نه‌وت و غاز به‌ حكومى و تایبه‌ته‌‌وه‌، له‌ راگه‌یه‌نراوێكدا داواكارییه‌كانى خۆیان خستووه‌ته‌ڕوو كه‌ ئاراسته‌ى ئالان محه‌مه‌د، وه‌زیرى په‌روه‌رده‌ كراوه‌ و تێیدا هاتووه‌، “داواده‌كه‌ین بڕیارى ده‌رچوون به‌ كۆرسى یه‌كه‌م بمانگرێته‌وه‌ و جیاوازى نه‌كرێت له‌نێوانماندا، داواش ده‌كه‌ین ئه‌و خوێندكارانه‌ى له‌ كۆرسى یه‌كه‌م ده‌رنه‌چوون له‌ خولى دووه‌مى تاقیكردنه‌وه‌كاندا تاقیكردنه‌وه‌ ئه‌نجام بده‌ن”.

ئه‌و خوێندكارانه‌ ئه‌وه‌شیانخستووه‌ته‌ڕووو، “له‌ڕووى بڕوانامه‌وه‌ هیچ جیاوازییه‌ك نیه‌ له‌نێوان ئێمه‌ و په‌یمانگاكانى سه‌ربه‌ وه‌زاره‌تى خوێندنى باڵا كه‌ كۆتایی ساڵى خوێندنیان راگه‌یاندووه‌، بۆیه‌ داواده‌كه‌ین هه‌مان چاره‌نووسى ئه‌وان ئێمه‌ش بگرێته‌وه‌”.

بەشی بکە لە
Previous Next
Close
Test Caption
Test Description goes like this