هه‌واڵێكی دڵخۆشكه‌ر: هاندەران ده‌گه‌رێنه‌وه بۆ یارییه‌كانی لالیگا
هاندەران
SNN Sport
سه‌ر له نوێ ژیان ده‌گه‌ڕێته‌وه بۆ خولی ئیسپانی له 11 مانگی حوزەیرانی داهاتوو، ئەمەش پاش وه‌ستان بۆ ماوه‌یه‌كی درێژ به هۆی ڤایرۆسی كورۆناوه ، بەڵام یارییه‌كان له پشت ده‌رگا داخراوه‌كان به‌رێوه‌ده‌چن ، ركابه‌رییه‌كان له یه‌كێك له ڕه‌گه‌زه هه‌رە گرنگه‌كانی سه‌رنجراكێشان و چێژ له‌ده‌ستده‌دا ئه‌ویش هانده‌رانه له نێو یاریگادا.
ده‌سه‌ڵاتداران رێگه‌یان به‌ده‌ستپێكردنه‌وه‌ی وه‌رز له لالیگادا ، به‌ڵام بێگومان به بێ ئاماده‌بوونی هاندەر، ئه‌ویش له ترسی بڵاوبوونه‌وه‌ی ڤایرۆسی كۆرۆنا ، ئه‌وه‌ش ئه‌و بریاره‌یه كه سه‌رجه‌م وڵاتانی جیهان داویانه كه بریاریاندا سه‌ر له نوێ به چالاكی كردنه‌وه‌ی تۆپی پێی .
رۆژنامه‌ی ( ئاس)ی ئیسپانی راپۆرتێكی بڵاوكرده‌وه‌و دووپاتی ده‌كاته‌وه كه رابیته‌ی خولی ئیسپانی خوازیاره له سه‌ره‌تای وەرزی داهاتووەوە هاندەران بگرێته‌وه بۆ یاریگاكان ،به‌ڵام ئه‌م هه‌نگاوه به شێوه‌ی قۆناغ ده‌بێت .
رۆژنامه‌كه له راپۆرته‌كه‌یدا روونیكرده‌وه كه هاندەران له‌گه‌ڵ ده‌ستپێكی وه‌رزی داهاتوو به رێژه‌ی 30% ده‌گه‌رێنه‌وه یاریگاكان و دانانی مەودایەک لە نێوان هاندەران، ئه‌مه‌ش له پێناو رێگرتن له گواستنه‌وه‌ی ڤایرۆسه‌كه ئەگه‌ر تووشبوو هه‌بوو له‌نێو هاندەراندا .
هه‌روه‌ها راپۆرته‌كه وتی” رێژه‌كه له مانگی تشرینی دووه‌م به‌رز ده‌بێته‌وه بۆ 50% واتا پاش 2 مانگ له ده‌ستپێكی وه‌رزه‌كه‌دا ، له كۆتاییدا یاریگاكان ده‌گه‌رێنه‌وه بۆ پڕبوون به هاندەران به شێوه‌یه‌كی ته‌واو له سه‌ره‌تای ساڵی 2021دا .
جێ ئاماژه پێكردنه كه ئه‌م پلانه‌ی رابیته‌ی خولی ئیسپانی ده‌یەوێت جێبه‌جێی بكات ، به‌ڵام مه‌رج نیه سه‌ركه‌وتوو بێت ، بابه‌ته‌كه په‌یوه‌سته به‌وه‌ی بابه‌ته‌كان به‌كوێ ده‌گه‌ن سه‌باره‌ت به ڤایرۆسی كورۆنا له ئیسپانیا و جیهاندا .
