سلێمانى تواناى وه‌رگرتنى 180 نه‌خۆشى كۆرۆناى هه‌یه‌ و دۆخه‌كه‌ به‌ره‌و كاره‌سات ده‌ڕوات

0
1605
کۆرۆنا

هه‌وراز ئه‌حمه‌د-SNN

وته‌بێژى ته‌ندروستى سلێمانى رایده‌گه‌نێت :”له‌ ئێستادا 119 نه‌خۆشى هه‌ڵگرى ڤایرۆسى كۆرۆنا له‌ نه‌خۆشخانه‌كانى سلێمانى چاره‌سه‌ر وه‌رده‌گرن ئه‌گه‌ر دۆخه‌كه‌ به‌م جۆره‌ به‌رده‌وام بێت ئه‌وا له‌ هه‌رێمى كوردستان كاره‌سات رووده‌دات”.

د.یاد نه‌قشبه‌ندى، وته‌بێژى ته‌ندروستى سلێمانى به‌ snnى راگه‌یاند :”نه‌خۆشخانه‌ى شه‌هید تاهیر على والى به‌گ قه‌ره‌وێڵه‌كانى پڕبووه‌ و جێگا نه‌ماوه‌ نه‌خۆشى لێ دابنرێت، بۆیه‌ هه‌ر ئه‌مشه‌و بڕیاردرا نه‌خۆشخانه‌ى شه‌هید ئاسۆ بكرێته‌وه‌ بۆ ئه‌وه‌ى ئه‌و تووشبووانه‌ى تێدا چاره‌سه‌ر بكرێت، چونكه‌ نه‌خۆشخانه‌ى شه‌هید ئاسۆ له‌ پێش جه‌ژنى ره‌مه‌زانه‌وه‌ به‌هۆى نه‌بوونى نه‌خۆشى كۆرۆناوه‌ داخرا”.

وتیشى”له‌ شارى سلێمانى له‌ 3 نه‌خۆشخانه‌دا تواناى وه‌رگرتنى تووشبووى كۆرۆنامان ده‌بێت به‌ هه‌ر سێ نه‌خۆشخانه‌كه‌وه‌ 180 قه‌ره‌وێڵه‌ و 50 ئامێرى هه‌ناسه‌دانى ده‌ستكردمان هه‌یه‌ بۆیه‌ له‌ ئێستادا وا خه‌ریكه‌ قه‌ره‌وێڵه‌كان پڕ ده‌بێت ئه‌گه‌رى ئه‌وه‌ هه‌یه‌ له‌ هه‌فته‌ى داهاتووه‌ نه‌خۆشخانه‌كان جێگاى نه‌خۆشى تێدا نه‌بێته‌وه‌ و هه‌ر ماڵێكیش كه‌سێكى تووشبووى تێدا تۆمار بكرێت”.

هاوكات وته‌بێژى ته‌ندروستى سلێمانی ئاماژه‌ى به‌وه‌ش كرد”ئاگادارى بارى ئابورى هاووڵاتیانین بۆیه‌ له‌گه‌ڵ قه‌ده‌غه‌ى هاتوچۆ نین، به‌ڵام داوا ده‌كه‌ین هاووڵاتیانیش پابه‌ندى رێنمایه‌ ته‌ندروستیه‌كان بن چونكه‌ مه‌ترسیه‌كه‌ جدیه‌، ئه‌گه‌ر خۆپارێزى نه‌كرێت هاوشێوه‌ى ووڵاتانى دیكه‌ رووبه‌ڕووى كاره‌ساتى گه‌وره‌ ده‌بینه‌وه‌”.

بەشی بکە لە
Previous Next
Close
Test Caption
Test Description goes like this