تووشبوویەکی کۆرۆنا لە کەرکوک گیانی لەدەستدا

0
333
کۆرۆنا

SNN-عیماد جەباری

ئەمشەو تووشبوویەکی کۆرۆنا لە شاری کەرکوک گیانی لەدەستدا کە پیاوێکی تەمەن 70ساڵە.

زیاد خەڵەف بەڕێوبەری تەندروستی کەرکوک رایگەیاند: “ئەو پیاوەی گیانی لەدەستداوە بەڕەچەڵەک تورکمانە و دانیشتووی گەڕەکی غەرناتە بووە، ئەمشەو لە نەخۆشخانەیەکی تایبەت بە کۆرۆنا لە ناوچەی پیشەسازی گیانی لەدەستداوە”.

وتیشی: “لە ئێوارەی دوێنێوە خراوەتە ژێر چاودێری چڕەوە بەڵام بەهۆی تەنگەنەفەسیەوە گیانی لەدەستداوە”.

پێستریش سەرچاوەیەک لە بەرێوەبەرایەتی تەندروستی کەرکوک بە snnی راگەیاند کە لە نێو هێزە عێراقیەکاندا توشبووی کۆرۆنا تۆمارکراون و تاوەکو ئێستا پێنج سەرباز و پۆلیسی فیدراڵی لە نەخۆشخانەن.

ژمارەی گیانلەدەستدان بە کۆرۆنا لە کەرکوک بۆ سێ کەس بەرزبووەوە، کۆی توشبوانیش ٧٩ حاڵەتە لەسەرەتای ڤایرۆسەکەوە و لەئێستادا ٧ کەس لەنەخۆشخانە ماون.
بەشی بکە لە
Previous Next
Close
Test Caption
Test Description goes like this