هاووڵاتییەكی ئێرانی بە قاچاغ هاتووەتە هەڵەبجە و گومانی تووشبوونی كۆرۆنای لێدەكرێت

0
513

SNN-عەلی حەمە سەعید
جێگری بەڕێوەبەری گشتی تەندروستی هەڵەبجە ئاشكرایكرد، كە ئەمڕۆ 24 پشكنینیان بۆ ژمارەیەك لە هاوڵاتیانی هەڵەبجە ئەنجامداوە كە گومانی تووشبوونیان بە ڤایرۆسی كۆرۆنا لێدەكرێت.

وتیشی: “یەكێك لەو كەسانەی پشكنینی بۆ كراوە هاوڵاتییەكی ئێرانییە و بە قاچاغ هاتووەتە هەڵەبجە و بەركەوتنی لەگەڵ دوو كەسی دیكەی هەڵەبجەدا هەبووە”.
سنوور حامید، جێگری بەڕێوەبەری گشتی تەندروستیی هەڵەبجە بە SNNی ڕاگەیاند: ئەمڕۆ لە تاقیگەی تایبەت بە پشكنینی كۆرۆنا پشكنینمان بۆ 24 كەس ئەنجامداوە بە مەبەستی دەركەوتنی ئەوەی هەڵگری ڤایرۆسی كۆرۆنان یاخود نا، كە یەكێك لەو كەسانەی پشكنینی بۆ كراوە هاوڵاتییەكی ئێرانییە و بەشێوەیەكی نایاسایی (قاچاغ) هاتووەتە هەڵەبجە و بەركەوتنی لەگەڵ دوو كەسی دیكەی هەڵەبجەدا هەبووە.
ئاماژەی بەوەشكرد، ئەمڕۆ ئەو پشكنینانەمان ئەنجامداوە و لەماوەی 12 كاتژمێردا ئەنجامەكان دەردەچن، هاوكات لە ئێستادا سێ‌ كەس كە گومانی تووشبوونیان لێدەكرێت بە ڤایرۆسی كۆرۆنا خراونەتە ژێر چاودێرییەوە و پشكنینیان لێوەرگیراوە و لە چاوەڕوانی دەرچوونی ئەنجامەكانداین.
جێگری بەڕێوەبەری گشتی تەندروستیی هەڵەبجە ئەوەشی ڕوونكردەوە، بەگوێرەی یاسا هەر كەسێك بەشێوەیەكی نایاسایی بێتە خاكی هەرێم دەبێت پاش دەستگیركردنی ئاودیوی ئەو شوێنە بكرێتەوە كە لێوەی هاتووە، بۆیە ئەو هاوڵاتییە ئێرانییەی كە بەنایاسایی هاتووە، ئێمە كاری خۆمانمان لەگەڵدا كردووە بە وەرگرتنی نمونەی پشكنین، ئەوی دیكەی دەمێنێتەوە بۆ لایەنە یاسایی و ئەمنییەكان جێدەهێڵرێت چۆن مامەڵەی لەگەڵدا دەكەن.

 

 

بەشی بکە لە
Previous Next
Close
Test Caption
Test Description goes like this