“تووشبووانى كۆرۆنا له‌ پێنجوێن له‌ ماڵه‌كانى خۆیاندا چاره‌سه‌ر وه‌رده‌گرن”

0
1479
نەخۆشخانەی كۆرۆنا له‌ هەڵەبجە | فۆتۆ: عەلی حەمەسەعید / SNN

SNN – عەلی حەمە سەعید
دوای ئەوەی ئەمشەو لە لایەن وەزارەتی تەندروستییەوە تووشبوونی 101 كەس وەك هەڵگری ڤایرۆسی كۆرۆنا راگەیەنرا و ئاشكرا كرا لەو ژمارەیەك 51 تووشبوویان دانیشتووی پێنجوێنن، سەرچاوەیەكی بەرپرس لە قەزای پێنجوێن ئاماژە بەوەدەكات، “ئەو كەسانەی تووشی ڤایرۆسه‌كه‌ بوون لە ماڵەكانی خۆیاندا چارەسەر وەردەگرن و نەبراونەتە نەخۆشخانەكان”.

بە گوێرەی ئەو زانیاریانەی كە (SNN) لە سەرچاوەیەكی بەرپرسی ناو قەزای پێنجوێن ده‌ستى كه‌وتوون، “دوای ئەوەی بەشێكی زۆری هاووڵاتیانی قەزای پێنجوێن نیشانەكانی تووشبوون بە ڤایرۆسی كۆرۆنایان تیادا دەركەوت، لەماوەی 12 كاتژمێری رابردوودا 70 پشكنین بۆ هاووڵاتیانی سنوورەكە ئەنجامدراوە دەركەوتووە كە 51 كەسیان تووشی ڤایرۆسه‌كە بوون”.

سه‌رچاوه‌كه‌ى (SNN) كه‌ هاوسه‌ره‌كه‌ى خۆى تووشبووى ڤایرۆسه‌كه‌یه‌ ئه‌وه‌شى خسته‌ڕوو: “ئەو كەسانەی كە نەخۆش كەوتوون و وەك هەڵگری ڤایرۆسی كۆرۆنا دەستنیشانكراون، هەر لەماڵەكانی خۆیاندا چاره‌سه‌ر وه‌رده‌گرن و نەگوازراونەتەوە بۆ نەخۆشخانەكان، خێزانه‌كه‌ى خۆشم له‌ ماڵه‌وه‌ چاره‌سه‌ر وه‌رده‌گرێت”.

هەر بە گوێرەی وتەی ئەو بەرپرسەی قەزای پێنجوێن، “یەكێك لە هۆكارەكانی خێرا بڵاوبوونەوەی ڤایرۆسی كۆرۆنا لە قەزای پێنجوێن هاتووچۆكردنی شۆفێرە ئێرانییەكانە لە مەرزی باشماخ و بەركەوتنیانە لەگەڵ هاووڵاتیانی قەزای پێنجوێن”.

بەشی بکە لە
Previous Next
Close
Test Caption
Test Description goes like this