ئۆپراسیۆنێکی فراوان لەکەرکوکەوە بەرەو حەمرین دەستیپێکرد

0
271
سه‌ربازێكى سوپاى عێراق له‌كاتى ئۆپراسیۆنێكدا دژى داعش| فۆتۆ: Javion Siders

SNN – عیماد جه‌بارى

هێزە عێراقیيەکان ئۆپراسیۆنێکی سەربازی فراوانیان لەسنووری قەزای داقوق دەستپێکرد و بڕیاریشە تا سنوری حەمرین بەردەوام بێت.

به‌پێى زانیارییه‌كانى (SNN) كه‌ له‌ سوپاى عێراق ده‌ستى كه‌وتوون: “هێزە عێراقییەکان بە پاڵپشتی فڕۆکە و تانک و زرێپۆش ئۆپراسیۆنێکی فراوانیان دەستپێکردوە لە گوندی تەل خەدیجەی داقوقەوە، تاوەکو سنووری حەمرین بەردەوام دەبێت، بە مەبەستی کێوماڵکردنی ناوچەکە لە چەکدارانی داعش”.

هاوكات هه‌ر ئه‌مڕۆ له‌ قه‌زاى دوبز ته‌قینه‌وه‌یه‌ك روویدا و به‌هۆیه‌وه‌ چوار سه‌رباز بوونه‌ قوربانى، له‌وباره‌یه‌وه‌ (SNN) له‌ پۆلیسى دوبز ئه‌وه‌ى زانیووه‌، ” نیوەڕۆی ئەمڕۆ لەگوندی حەلوانی قەزای دوبز بۆمبێکی چێندراو بە کاروانێکی سوپای عێراقدا تەقیوه‌ته‌وه‌، بەهۆی تەقینەوەکەوە دوو سەرباز گیانیان لەدەستداوە و دووانى دیکەش برینداربوون كه‌ یەکێکیان ئەفسەرێکە بە پلەی مولازمی یەک و برینداره‌كان گواستراونەتەوە بۆ نەخۆشخانەی گشتی کەرکوک”.

بەشی بکە لە
Previous Next
Close
Test Caption
Test Description goes like this