به‌شێك له‌ دوکانەکانی ڕاپەڕین کرانەوە و قایمقامیش داواكارییه‌ك ئاراسته‌ى هاووڵاتیان ده‌كات

0
938
بەرپرسیاریه‌تى باڕاى ڕانیه‌ ناوه‌ندى ئیداره‌ى ڕاپه‌ڕین | فۆتۆ: محه‌مه‌د مسته‌فا / SNN

SNN – محەمەد مستەفا

دوای ئەوەی شەوی رابردوو دوکاندار و کاسبکارانی قەزاکانی ڕانیە و پشدەر خۆپیشاندانیان دژی داخستنی بازاڕ و دوکانەکان ئەنجامدا، ئەمڕۆ سێشەممە به‌شێك له‌ دوکان و بازاڕەکانی سنووری ئیدارەی ڕاپەڕین کراوەبوون.

حوسێن مەحمود، قایمقامی قەزای ڕانیە بە (SNN)ی راگەیاند: “لە ئێستادا ڤایرۆسی کۆرۆنا بووه‌تە مەترسییەکی گەورە بۆ سەر هاووڵاتییان، کردنەوەی دوکان و بازاڕەکان و دوستبوونی قەرەباڵغی مەترسییەکە زیاتر دەکات، بۆیه‌ داوا دەکەین دوکاندار و کاسبکاران لەگەڵ کردنەوەی دوکانەکانیان رەچاوی رێنماییە تەندروستییەکان بکەن”.

وتیشی: “لەم دۆخەی ئێستادا بەرپرسیاریه‌تى پاراستنی تەندروستی کەوتۆتە سەرشانی هاووڵاتیان خۆیان، دەبێت دوکاندار و کاسبکاران بەرپرسیاریه‌تى تەندروستی خۆیان و هاوڵاتیانیش بگرنە ئەستۆ”

قایمقامی ڕانیە ئه‌وه‌شى خسته‌ڕوو: “داواکارین لە هاووڵاتیان لە ناوبازاڕ و شوێنە گشتیەکان خۆیان بە دووربگرن لە هەر کۆبوونەوە و قەرەباڵغی و گردبوونەوەیەک لەپێناو سەلامەتی تەندروستی خۆیان”.

جگە لە کردنەوەی دووکان و بازاڕەکانی ڕانیە هاوکات به‌شێك دوکان و بازاڕەکانی قەڵادزێش کراونەتەوە.

بەشی بکە لە
Previous Next
Close
Test Caption
Test Description goes like this