وەزارەتی پەروەردە پلان بۆ قەرەبووکردنەوەی خوێندنی ئەمساڵ دادەنێت

0
867

وەزارەتی پەروەردەی هەرێم رایگەیاند: بە مەبەستی پاراستنی کوالێتی خوێندن، پلان دادەنرێت ئەو بابەتانەی بەهۆی رێکارەکانی خۆپارێزی لە خوێندگا و پەیمانگاکاندا نەخوێندراون، لە دەستپێکی ساڵی نوێی خوێندندا قەرەبوویان دەکرێتەوە.

لە راگەیەندراوێکیدا کە ئەمڕۆ 3ی حوزەیران بڵاویکردووەتەوە، وەزارەتی پەروەردەی هەرێم رایگەیاندووە: “لە دەستپێکی ساڵی نوێی خوێندنی (2021-2020) قەرەبووی قوتابیان و خوێندکارانی بنەڕەتی و ئامادەیی و پەیمانگاکان دەکرێنەوە”.

ئاماژەی بەوەشکردووە: بۆ ئەم مەبەستە بەڕێوەبەرایەتی گشتی پەروەردەی پارێزگاکان و ئیدارەکان رادەسپیڕدرێن بە سوودوەرگرتن لە دید و پێشنیاری سەرپەرشتیاران و مامۆستایان و پسپۆڕانی بواری پەروەردە پلان و میکانیزمی گونجاویان هەبێت کە لەگەڵ پلانی خوێندنی ساڵی 2021-2020 بگونجێت.

بەهۆی مەترسییەکانی کۆرۆناوە پێشتر وەزارەتی پەروەردەی هەرێم کۆتایی بە خوێندنی ئەمساڵی خوێندکارانی تەواوی قۆناغەکانی خوێندن هێنا.

بەشی بکە لە
Previous Next
Close
Test Caption
Test Description goes like this