21 كه‌س له‌ عێراق به‌ كۆرۆنا گیانیان له‌ده‌ستدا

0
279
مامۆستایه‌كى ئاینى له‌ نه‌جه‌ف | فۆتۆ: AFP

كه‌مێك له‌مه‌وبه‌ر وه‌زاره‌تى ته‌ندروستیى عێراق رایگه‌یاند: له‌ ماوه‌ى 24 كاتژمێرى رابردوودا 781 حاڵه‌تى نوێى تووشبوون به‌ كۆرۆنا تۆماركراون، له‌ به‌رامبه‌ردا 587 تووشبوو چاكبوونه‌ته‌وه‌ و 21 كه‌سیش به‌ ڤایرۆسه‌كه‌ گیانیان له‌ده‌ستداوه‌.

له‌ به‌یاننامه‌یه‌كدا كه‌ ئه‌مڕۆ چوارشه‌ممه‌ بڵاوكراوه‌ته‌وه‌ وه‌زاره‌تى ته‌ندروستى ئامارى 24 كاتژمێرى رابردووى تایبه‌ت به‌ ڤایرۆسى كۆرۆناى بڵاوكرده‌وه‌ و ئاشكرایكرد، “له‌ماوه‌ شه‌ورۆژى رابردوودا 781 حاڵه‌تى نوێى تۆماركراون به‌مشێوه‌یه‌: 437 حاڵه‌ت له‌ به‌غدا، 19 حاڵه‌ت له‌ نه‌جه‌ف، 41 حاڵه‌ت له‌ به‌سره‌، 46 حاڵه‌ت له‌ سلێمانى، شه‌ش حاڵه‌ت له‌ هه‌ولێر، 52 حاڵه‌ت له‌ دهۆك، 11 حاڵه‌ت له‌ كه‌ربه‌لا، 35 حاڵه‌ت له‌ كه‌ركوك، هه‌شت حاڵه‌ت له‌ كه‌ربه‌لا، 33 حاڵه‌ت له‌ بابل، 35 حاڵه‌ت له‌ میسان، حه‌وت حاڵه‌ت له‌ دیوانیه‌، 28 حاڵه‌ت له‌ زیقار، 18 حاڵه‌ت له‌ موسه‌ننا، پێنج حاڵه‌ت له‌ ئه‌نبار”.

هاوكات وه‌زاره‌تى ته‌ندروستى له‌باره‌ى كه‌یسه‌كانى مردنه‌وه‌ ئه‌وه‌شیان ئاشكرا كرد، “21 كه‌س به‌ ڤایرۆسه‌ گیانیان له‌ده‌ستداوه‌ به‌مشێوه‌یه‌: 10 كه‌س له‌ به‌غدا، پێنج كه‌س له‌ سلێمانى، دوو كه‌س له‌ هه‌ولێر، یه‌ك كه‌س له‌ بابل، یه‌ك كه‌س له‌ به‌سره‌، یه‌ك كه‌س له‌ میسان، یه‌ك كه‌س له‌ موسه‌ننا”.

له‌ به‌یاننامه‌كه‌دا وه‌زاره‌تى ته‌ندروستیی ئامارى ئه‌و تووشبووانه‌شى خستووه‌ته‌ڕوو كه‌ چاكبوونه‌ته‌وه‌ و تێيدا هاتووه‌: “587 تووشبوو چاكبوونه‌ته‌وه‌ به‌مشێوه‌یه‌: 504 كه‌س له‌ به‌غدا، شه‌ش كه‌س له‌ نه‌جه‌ف، حه‌وت كه‌س له‌ به‌سره‌، 12 كه‌س له‌ سلێمانى، دوو كه‌س له‌ هۆك، دوو كه‌س له‌ دیاله‌، 13 كه‌س له‌ كه‌ربه‌لا، دوو كه‌س له‌ میسان، دوو كه‌س له‌ بابل، 33 كه‌س له‌ زیقار، چوار كه‌س له‌ دیوانیه‌”.

به‌پێى ئاماره‌كان له‌سه‌ره‌تایی سه‌رهه‌ڵدانى ڤایرۆسى كۆرۆنا له‌ عێراق تا ئێستا 8 هه‌زار و 168 كه‌س تووشى ڤایرۆسه‌كه‌بوون، له‌و ژماره‌یه‌ش 4 هه‌زار و 95 كه‌س ڤایرۆسه‌كه‌یان تێپه‌ڕاندووه‌، له‌ ئێستادا 3 هه‌زار و 817 كه‌یسى چالاك بوونى هه‌یه‌، 46 تووشبوو بارى ته‌ندروستییان ناجێگیره‌ و 256 تووشبوو به‌هۆى ڤایرۆسه‌كه‌وه‌ گیانیان له‌ده‌ستداوه‌.

بەشی بکە لە
Previous Next
Close
Test Caption
Test Description goes like this