قایمقامى كفرى لەبارەی تەقەکردن لە بارەگای پارتی روونکردنەوە دەدات

0
666

SNN-سیروان حه‌سه‌ن

قایمقامى كفرى رایگەیاند: “شەوی رابردوو دەستێکی نادیار تەقەی لە بارەگای ناوچەی پارتی لە قەزاکە کردووە و هێزەکان راسپێردراون بۆ لێکۆڵینەوەکردن لە رووداوەکە”.

جه‌لال نورى قایمقامى كفرى به‌ snnى راگه‌یاند: ” گوله‌كان به‌ر دیوارى باره‌گاكه‌ كه‌وتوون. بۆ ئه‌وه‌ش هێزه‌ ئه‌منییه‌كانیان ڕاسپاردووه‌ لێكۆڵینه‌وه‌ بكه‌ن و تاوه‌كو ئێستاش هیچ سه‌ره‌داوێك ئاشكرا نه‌بووه‌”.

سەبارەت بە خۆپیشاندانەکەی شەوی رابردووی کفری، جەلال نوری وتوویەتی: “له‌به‌ر ئه‌وه‌ى خۆپیشاندانەکە مۆڵه‌تى نه‌بووه‌ له‌ لایه‌ن هێزه‌ ئه‌منییه‌كانه‌وه‌ هەشت کەس لە خۆپیشاندەران بانگكراون و دواى ئه‌وه‌ى قسەیان لەگه‌ڵدا كراوه‌ رێگه‌یان پێدراوه‌ بگه‌ڕێنه‌وه‌ شوێنى خۆیان و هیچ كه‌سێك ده‌ستگیرنه‌كراوه‌”.

وتیشى، خۆپیشانده‌ران تاوه‌كو ئێستا داواكارییه‌كانیان نه‌داوه‌ته‌ ئیداره‌ى شارەکە و ئه‌وه‌ى هه‌یه‌ داواى هه‌لى كار، كردنه‌وه‌ى زانكۆو خزمه‌تگوزارى چه‌ند داواكارییه‌كى گه‌وره‌ ده‌كه‌ن كه‌ له‌ ئێستادا له‌م قه‌یرانه‌ جێبه‌جێكردنى قورسه‌، ئه‌م داواكارییانه‌ش پێشتر وه‌كو ئیداره‌ى شار كاریان له‌سه‌ر كردووه‌ و بۆ لایه‌نى سه‌رووى خۆیانیان ناردووه‌.

پێشتر به‌رپرسێكى پارتى له‌ گه‌رمیان به‌ snnى راگه‌یاندبوو: شه‌وى ڕابردوو له‌ قه‌زاى كفرى له‌ لایه‌ن چه‌كدارێكه‌وه‌ كه‌ له‌سه‌ر ماتۆڕسكیلێك بووه‌ ده‌ستڕێژى گوله‌ى له‌ باره‌گاى ناوچه‌ى پارتى كراوه‌ و زیانى گیانى نه‌بووه‌.

بەشی بکە لە
Previous Next
Close
Test Caption
Test Description goes like this