هێزە عێراقیەکان سێ رفێنراویان لەداقوق ئازادکرد

0
310
وێنەی هێزە عێراقییەکان

SNN-عیماد جەباری

لەچوارچێوەی ئۆپراسیۆنی هێزەعێراقیەکان بۆ کێوماڵکردنی سنوری داقوق، سێ رفێندراو لە ناوچەیەکی ژێر دەسەڵاتی داعش دۆزرانەوە.

لویس ئەفەندی قایمقامی قەزای داقوق بەوکالەت تایبەت بە snnی وت: “لەئەنجامی پێشڕەوی هێزە سەربازیەکان بەرەو وادی شای کە لەژێر دەستی ئەو گروپەدا بوو، سێ دیل ئازادکران کە پێشتر لەلایەن داعشەوە رفێندرابوون”.

قایمقامی داقوق بەوەکالەت وتیشی، “یەکێک لە رفێنراوەکان ئامۆزامە و ماوەی مانگێکە رفێندراوە، دوو رفێندراوەکەی دیکەش لەعەشیرەتی لهێبن و خەڵکی داقوقن یەکێکیان دوو مانگ و ئەوەی دیکەش 10 رۆژە رفێندراون”.

راشیگەیاند :داعش بۆ ئازادکردنیان داوای پارەیەکی زۆری دەکرد بەڵام وا دیارە بەهۆی پێشڕەوی هێزە عێراقیەکانەوە فریای گواستنەوەیانی نەبوە بۆ ناوچەیەکی تر.

ماوەی سێ رۆژە هێزە سەربازیەکانی عێراق بەمەبەستی راوەدونانی چەکدارانی داعش ئۆپراسیۆنێکی سەربازی لەسنوری قەزای داقوق دەستپێکردووە.

بەشی بکە لە
Previous Next
Close
Test Caption
Test Description goes like this