گەرمیان؛ بەشێک لە تووشبووانی کۆرۆنا لەماڵەوە کەرەنتین دەکرێن

0
366

SNN-سیروان حەسەن 

نەخۆشحانەی فریاکەوتنی گەرمیان داوا لە هاووڵاتیانی سنوورەکە دەکات، ئەگەر نیشانەی سووکی کۆرۆنایان هەیە لە ماڵەکانیاندا خۆیان کەرەنتین بکەن.

نەخۆشخانەی فریاکەوتنی شەهید هەژار لە کەلار، لە راگەیەندراوێکدا وتوویەتی: “داوا لەو هاووڵاتیانە دەکەین کە نیشانەی سووکی کۆرۆنایان هەیە بێن پشکنین بکەن بۆ دڵنیایی بوونەوە لە هەبوونی نەخۆشیەکە لە جەستەیاندا، بەڵام دواتر لە ماڵەوە خۆیان کەرەنتین بکەن”.

ئاماژەشی بەوەداوە، ڕۆژانە کاتژمێر 8 بۆ 12ی نیوەڕۆ بەشی تاقیگەیی نەخۆشخانەی کۆرۆنا ئامادەی پێشوازیە بۆ پشکنینی ئەو نەخۆشییە، دەشڵێت: “ئەگەر زۆر زۆر پێویست نەبێت سەردانی نەخۆشخانەی فریاکەوتنی شەهید هەژار مەکەن”.

لەسنوری گەرمیان تاوەکو ئێستا نزیکەی 30 تووشبووی ڤایرۆسی کۆرۆنا هەیە و یەک کەسیش گیانی لەدەستداوە.

بەهۆی بەرزبوونەوەی ژمارەی تووشبووان بە کۆرۆنا بەشێک لە نەخۆشخانەکانی سنووری پارێزگای سلێمانی چیتر توانای وەرگرتنی نەخۆشیان نەماوە و داوا لە هاووڵاتیان دەکرێت پابەندبن بە رێنماییەکانی تەندروستییەوە تا بتوانرێت پەتاکە کۆنتڕۆڵبکرێت.

بەشی بکە لە
Previous Next
Close
Test Caption
Test Description goes like this