بەرپرسێکی پێشووی هەواڵگری: کۆرۆنا لە تاقیگەدا دروستکراوە

0
383

SNN

بەرپرسی پێشووی هەواڵگری بەریتانیا رایگەیاند، ڤایرۆسی کۆرۆنا لەلایەن زانایانی چینەوە دروستکراوە و بە هەڵە لە تاقیگەیەکی شاری وهانی چینەوە بڵاوبووەتەوە.

ریچارد دێرلۆڤ، بەرپرسی پێشووی هەواڵگری بەریتانیا لە چاوپێکەوتنێکیدا لەگەڵ رۆژنامەی تەلەگرافی بەریتانی وتوویەتی، “زانیاری زۆر وردی زانستی هەن کە دەستنیشانی دەکەن ڤایرۆسی کۆرۆنا سروشتی نییە، بەڵکو لەلایەن زانایانی چینییەوە پەرەیپێدراوە و گومان دەکرێت بە هەڵە بڵاویانکردبێتەوە.”

راشیگەیاندووە، دەبێت وڵاتان دووبارە بیر لە پەیوەندییەکانیان لەگەڵ وڵاتی چیندا بکەنەوە و پێویستە ئەو وڵاتەش قەرەبووی وڵاتانی دیکەی جیهان بکاتەوە.

ئەم وتانەی دێرلۆڤ پشتیوانیکردنە لە وتەکانی پێشتری سەرۆک و بەرپرسانی ئەمریکا کە باسیان لە بڵاوکردنەوەی بێ مەبەستی ڤایرۆسەکە لە تاقیگەیەکی شاری ووهان کردبوو، هاوکات بەرپرسانی چینی تا ئێستا هەموو ئەو تۆمەتانە رەتدەکەنەوە.

ڤایرۆسەکە سەدان وڵاتی جیهانی گرتووەتەوە و تا ئێستا نزیکەی حەوت ملیۆن کەسی لە جیهاندا تووشی بوون، لەگەڵ ئەوەشدا نزیکەی ٤٠٠ هەزار کەس گیانیان لەدەستداوە.

بەشی بکە لە
Previous Next
Close
Test Caption
Test Description goes like this