دوو تووشبووی کۆرۆنا لە سلێمانی گیانیان لەدەستدا

0
1028

SNN-هەوراز ئەحمەد

کەمێک پێش ئێستا تووشبوویەکی کۆرۆنا لە شاری سلێمانی گیانی لەدەستدا، دوای ئەوەی درەنگانێکی ئەمشەو تووشبوویەکی دیکە گیانی لەدەستدابوو.

بە گوێرەی سەرچاوەیەک لە نەخۆشخانەی سەرچنار، کاتژمێر دووی شەوی رابردوو تووشبوویەکی کۆرۆنا بەناوی عەلی عەبدوڵا، تەمەن 64 ساڵ کە پێشتر نەخۆشی نەخۆشی درێژخایەنی هەبووە، دوای سێ رۆژ مانەوەی لە ژێر چاودێری پزیشکدا لە نەخۆشخانەی سەرچنار گیانی لەدەستدا.

پێش نیوەڕۆی ئەمڕۆش، تووشبوویەکی دیکەی کۆرۆنا بەناوی عەزیز نامیق، تەمەن 56 ساڵ، کە خۆی نەخۆشی رەبۆی هەبووە، بە کۆرۆنا لە هەمان نەخۆشخانە گیانی لەدەستدا.

حاڵەتەکانی تووشبوون و گیانلەدەستدان بە کۆرۆنا لە هەرێمی کوردستان روو لە هەڵکشانە، بەرپرسانی تەندروستیش هۆکارەکەی بۆ پابەند نەبوونی هاووڵاتیان بە رێنماییە تەندروستییەکان دەگەڕێننەوە.

بەشی بکە لە
Previous Next
Close
Test Caption
Test Description goes like this