قایمقامی پێنجوێن لەبارەی ئەگەری کەرەنتینەکردنی قەزاکەوە روونکردنەوە دەدات

0
821

SNN-عەلی حەمەسەعید

لەکاتێکدا کە بڕیاربوو ئەمڕۆ قەزای پێنجوێن کەرەنتین بکرێت، قایمقامی قەزاکە رایدەگەیەنێت: “قەزاکە کەرەنتین ناکرێت لەبری ئەوە بەسەر پێنج زۆندا دابەش کراوە”.

زانا ڕەحمان، قایمقامی قەزای پێنجوێن بە SNNی راگەیاند: دوێنێ لەگەڵ د.هەڤاڵ ئیبراهیم پارێزگاری سلێمانی جەختمان لەوەكردوەتەوە كە هەرچی پێویست بێت بۆ خزمەتكردنی خەڵكی ئەم سنورە لە رووی تەندروستییەوە ئەنجامی دەدەین و تا ئێستاش هیچ بڕیارێكمان نەداوە كە دانیشتوانی قەزای پێنجوێن كەرەنتین بكرێن.
لەبارەی کەرەنتین کردنی قەزاکەوە، زانا رەحمان وتوویەتی: “ئەوە بڕیارێكی قورسە، بەڵام پێنجوێنمان بەسەر پێنج زۆندا دابەش كردووە و بەوجۆرە توانیومانە دۆخەكە تاڕادیەكی باش كۆنتڕۆڵ بكەین، بەڵام لەهەمووی گرنگتر ئەوەیە كە هاوڵاتیان بتوانن پابەندی خۆپارێزی ببن”.
جەختی لەوەشكردەوە، لایەنە پەیوەندیدارەكانمان ڕاسپاردووە كە چاودێری دۆخی ناوبازاڕی قەزای پێنجوێن و دەوروبەری بكەن بۆ ئەوەی زۆرترین هاوڵاتی پابەندی رێنماییە تەندروستییەكان ببن بە پێچەوانەوە رێوشوێنی یاساییان بەرامبەر بگیرێتەبەر.
ئاماژەی بەوەشکرد: “تیمە تەندروستییەكانی پێنجوێن و سلێمانی بەردەوامن لە وەرگرتنی نمونەی پشكنین لە هاوڵاتیانی سنورەكە و ئەمڕۆش چەندین پشكنینی دیكە بۆ دانیشتووانی شوێنە جیاوازەكانی قەزای پێنجوێن ئەنجام دەدرێن”.

حاڵەتەکانی تووشبوون و گیانلەدەستدان بە کۆرۆنا لە هەرێمی کوردستان روو لە هەڵکشانە، بەرپرسانی تەندروستیش هۆکارەکەی بۆ پابەند نەبوونی هاووڵاتیان بە رێنماییە تەندروستییەکان دەگەڕێننەوە.

 

بەشی بکە لە
Previous Next
Close
Test Caption
Test Description goes like this