کۆرۆنا وەزارەتی تەندروستی عێراقی پەرێشان کردووە

0
849
کۆرۆنا لە عێراق

SNN-

ڤایرۆسی کۆرۆنا چۆتە ناو وەزارەتی تەندروستی عێراقەوە و لەماوەیەکی کەمدا 2 کارمەندیان بەهۆی ڤایرۆسەکەوە گیانیانلەدەستداوە.

لە بەیاننامەیەکی وەزارەتی تەندروستی عێراقدا دوێنێ سەرەخۆشی لەکارمەندێکیان کراوە بەناوی سەلام موسەوی لەبەشی راهێنان و مەشق و کارمەندێکی دیکەشیان بەناوی عەبدولڕەحمان حەسان کە لە شاری پزیشکی کاری کردووە و هەردووکیان گیانیانلەدەستداوە.

رۆژی 3ی ئەم مانگە سەرچاوەیەک ئاشکرایکردووە کە ڤایرۆسی کۆرۆنا بەناو هەموو بەشەکانی وەزارەتی تەندروستی عێراقدا بڵاوبۆتەوە و کەموکورتیش لەپێداویستییەکانی خۆپارێزیدا هەیە.

دوێنێ شەممە وەزارەتی تەندروستی عێراق ئاماری 24 کاتژمێری رابردووی بڵاوکردەوە کە تێیدا 1252 کەس تووشی کۆرۆنا بوون لەگەڵ 33 حاڵەتی گیانلەدەستدان.

بەپێی ئامارەکە 331 کەس لە ڤایرۆسی کۆرۆنا چاکبوونەتەوە، کۆی ژمارەی تووشبووان لە عێراق گەیشتە 11098 کەس و 318 کەس گیانیلەدەستداوە و 4904 کەسیش لە ڤایرۆسەکە چاکبوونەتەوە.

بەشی بکە لە
Previous Next
Close
Test Caption
Test Description goes like this