رێکخراوی تەندروستیی جیهانی: عێراقییەکان باوەڕیان بەکۆرۆنا نییە

0
331

SNN

نوێنەری رێکخراوی تەندروستیی جیهانی لەعێراق دەڵێت: “زۆرێک لەهاوڵاتیانی عێراق باوەڕیان بە کۆرۆنا نییە تەنانەت نکۆڵی لەبوونی ڤایرۆسەکەش دەکەن، بۆیە ژمارەکە لەهەڵکشاندایە لەو وڵاتە”.

ئەدهەم ئیسماعیل نوێنەری WHO بەئاژانسی هەواڵی روسیای وتووە “لەناوەڕاستی مانگی رەمەزانەوە رێوشوێنەکانی خۆپارێزی لەعێراق شل بۆوە و دەوڵەتیش وەک پێویست کاری خۆی نەکرد”.

دەشڵێت: “راستە هاتوچۆ بۆ ناو شارەکان قەدەغەیە، بەڵام لەناو شارەکان ئاساییە کە ئەوە کارێکی هەڵەیە”.

بەوتەی ئەو بەرپرسەی تەندروستیی جیهانی “زۆربەی خەڵک لەعێراق و هەرێمی کوردستانیش باوەڕیان نییە بەڤایرۆسەکە و هەندێکیان نکۆڵیی لەبوونیشی دەکەن”.

وتیشی: “پڕوپاگەندەکان لەبارەی ڤایرۆسەکە و بەکەم سەیرکردنی دۆخەکە وڵاتی بەم ئاقارەیا بردووە”.

نوێنەری رێکخراوی تەندروستیی جیهانی لەعێراق دەڵێت: “رێژەی مردن لەعێراق 3٪ دابەزیوە و لەئێستادا بەهەرێمی کوردستانەوە 22 تاقیگەی پشکنینی کۆرۆنا هەیە”.

 

 

بەشی بکە لە
Previous Next
Close
Test Caption
Test Description goes like this