دوو زاوا له‌ كه‌ركوك له‌كاتى ئاهه‌نگه‌كه‌یاندا ده‌ستگیر ده‌كرێن

0
690
زاوایه‌ك له‌ رۆژى ئاهه‌نگه‌كه‌یدا | فۆتۆ: SALLY PINERA

SNN – عیماد جەباری
لە کەرکوک بەهۆی پێشێلکردنی بڕیارەکانی شانەی قەیرانه‌كان، لەلایەن هێزە ئەمنییەکانەوە دوو زاوا بۆ ماوەیەک دەستگیرکران.

به‌پێى زانیارییه‌كانى (SNN) كه‌ له‌ پۆلیسى كه‌ركوك ده‌ستى كه‌وتوون، “دره‌نگانێكى دوێنێ شه‌و یه‌كشه‌ممه‌ لەهەردوو گەڕەکی دۆمیز و ئیسراومەفقودین دوو ئاهەنگ رێکخراون، به‌پێچه‌وانه‌ى رێنمایی و بڕیارەکانی شانەی قەیرانه‌كان، به‌هۆیانه‌وه‌ هاووڵاتییان كۆبوونه‌ته‌وه‌ و مه‌ترسى بڵاوبوونه‌وه‌ى ڤایرۆسى كۆرۆنا دروستبووه‌”.

هه‌ر به‌پێى زانیارییه‌كان، “لەلایەن پۆلیسەوە هەردوو زاواکە بۆ ماوەیەک دەستگیرکراون، دواتر بەڵێننامە لە هەردووکیان وەرگیراوه‌، پاشان ئازادکراون”.

بەبڕیاری شانەی قەیرانەکانی کەرکوک هەموو جۆرە بۆنەیەکی ئاهەنگگێڕان و گردبوونەوە و قەرەباڵغی قەدەغەیە، لەماوەی رابردووشدا لەلایەن پۆلیسی فریاکەوتنەوە کەژاوە بۆ ژمارەیەک زاوا لە شارەکە رێکخرا، بۆ ئه‌وه‌ى ئاهه‌نگ نه‌گێڕن، دووربن له‌ كۆبوونه‌وه‌ و نه‌بنه‌ مه‌ترسى و هۆكارى بڵاوكردنه‌وه‌ى ڤایرۆسى كۆرۆنا.

 

بەشی بکە لە
Previous Next
Close
Test Caption
Test Description goes like this