سەدر بۆ حکومەتی عێراق: کۆتایی بە خۆپیشاندانەکان بهێنن

0
337

SNN

رێبەری رەوتی سەدر داوا لە حکوومەتی عێراق دەکات کۆتایی بە خۆپیشاندانەکان وڵاتەکە بهێنێت لەپێناو رەوشی تەندروستی هاووڵاتیاندا.

موقتەدا سەدر لە هەژماری تایبەتیی خۆی لە تۆڕی کۆمەڵایەتیی تویتەر، رایگەیاندووە، پەتای کۆرۆنا ئایەتێکی خوای گەورەیە و ئەوانەی باوەڕ بە بوونی ئەو پەتایە ناکەن، تواناکانی خوای گەورە بە کەم دەبینن.

سەدر داوا لە حکومەتی عێراق دەکات کۆتایی بە هەموو خۆپیشاندانەکان و زیارەتی مەزارە پیرۆزەکانی شیعە بهێنێت، چونکە پەتای کۆرۆنا مەترسییەکی گەورەی دروست کردووە.

سەدر داوا لە هاووڵاتیانی عێراقیش دەکات پابەندی رێنماییە تەندروستییەکان بن و گیانی خۆیان نەخەنە مەترسییەوە.

ئەم داوایەی رابەری رەوتی سەدر لەکاتێکدایە، ناوبراو پێشتر خۆپیشاندانی ملیۆنی دژی گەندەڵکاری رێکدەخست.

حاڵەتەکانی تووشبوون و گیانلەدەستدان بە کۆرۆنا لە عێراق لە هەڵکشاندایە، تا ئێستا لە عێراق 12 هەزار و 366 حاڵەتی تووشبوون بە کۆرۆنا تۆمارکراوە، لەو ژمارەیەش 36 کەس گیانیان لەدەستداوە.

بەشی بکە لە
Previous Next
Close
Test Caption
Test Description goes like this