“بەرهەمی جوتیاران بۆتە قوربانی قەدەغەی هاتوچۆی نێوان پارێزگاکان “

0
503

SNN-محەمەد مستەفا

من ناوم (فاروق محەمەد)ە ، خەڵکی گوندی (بەردەکۆز) م لە ناحیەی بنگردی قەزای دووکان، ئەمساڵ رووبەری نزیکەی 14 دۆنم زەوی بێستانم بە ترۆزی چاندووە، ئێستاش کەوەرزی چنینەوەی بەرهەمە و خستنە بازاڕیەتی کێشەیەکی گەورە رووی تێکردووین ئەویش بریتیه لەوەی کە ترۆزی نیوەی نرخەکەی لە دەستداوە .

ئێمە ساڵی پار لەسەر بێستان نرخی کیلۆیەک ترۆزیمان بە بڕی نزیکەی 900 دینار دەفڕۆشت بەڵام ئەمساڵ نرخەکەی نزیکەی 500 دینارە ، ئەمەش زیانێکی زۆری مادیمان لێ دەدات، هۆکاری دابەزینی نرخەکەشی دەگەڕێتەوە بۆ ئەوەی کە بەهۆی قەدەغەی هاتوچۆی نێوان پارێزگاکان، بەرهەمەکەمان ناگاتە پارێزگاکانی تری هەرێم و تەنیا لە سنوری ئیدارەی راپەڕین دەفڕۆشرێت .

جگە لە ترۆزی رووبەرێکی زۆریش کاڵەکمان چاندووە، ئەگەر بێت و قەدەغەی هاتوچۆ بەردەوامبێت کاڵەکەکەش هەمان چارەنوسی ترۆزیەکەی دەبێت و زیانی زیاترمان بەر دەکەوێت .

پێویستە حکومەت بیر لە بەرهەمی جوتیاران بکاتەوە و رێگە بدات بەرهەمی جوتیاران لە نێوان پارێزگاکان دەربازببێت، نابێت گواستەوەی بەرهەمی کشتوکاڵی ببەسترێتەوە بە قەدەغەی هاتوچۆی نێوان پارێزگاکان .

بەشی بکە لە
تاگەکانجوتیار
Previous Next
Close
Test Caption
Test Description goes like this