لە کەمپى ئاوارەکانی عەربەت ژنێک کۆرۆنای گرتووە و بەرکەوتەى لەگەڵ 33 کەس هەبووە

0
852

SNN- هەوراز ئەحمەد
بەڕێوبەرى کەمپى ئاشتى لەسنورى پارێزگاى سلێمانى ئاشکرایدەکات”ژنێکى تەمەن 49 ساڵ تووشى ڤایرۆسى کۆرۆنا بووە لە خێزانێکى 33 کەسییە و بەرکەوتەى هەبووە لەگەڵیان”.

پەخشان تۆفیق بەڕێوەبەرى کەمپى ئاشتى بە SNNى ڕاگەیاند”پاش ئەوەى ژنێک لە کەمپى ئاشتى دەڕواتە نەخۆشخانەى شار کە خۆى جەڵتە لێیداوە، پشکنینى ڤایرۆسى کۆرۆناى بۆ دەکرێت، دەرکەوتووە کە هەڵگرى ڤایرۆسەکەیە و ڕاستەوخۆ داخڵى نەخۆشخانە کراوە و داوامان لەلایەنى پەیوەندیدار کردووە پشکنین بۆ ئەوانە بکات کە بەرکەوتەیان لەگەڵى هەبووە”.

وتیشى: “ئەو ژنە لە خێزانێکى 33 کەسییە و هاوسەرەکەى 3 ژنى هەیە و ناوى (سەمرە حەسەن)ە و تەمەنى 49 ساڵە، ئێمە لە ئییدارەى کەمپ ئەو خێزانەمان جیا کردۆتەوە و ڕێگا نادەین کە سەردانى کەس بکەن و کەسیش سەردانیان بکات تاوەکو ئەو کاتەى دڵنیا دەبینەوە لە ئەنجامى پشکنینەکانیان”.

هاوکات ڕوونى کردەوە”جگە لەو کرێکارانەى کە لە کۆمپانیاکانى پاککەرەوە کار دەکەن، ڕێگا نادەین هیچ کەسێک لە دەرەوەى کەمپەکە سەردانى کەمپ بکەن و کەسیش بچێتە دەرەوە لێى، ئەگەر پێویست بکات ئەوا تەواوى کەمپەکە کەرەنتین دەکەین و لەسەر ئەو حاڵەتەش لایەنە پەیوەندیدارەکان لە پارێزگارى سلێمانى و تەندروستى و بەڕێوبەرایەتى کۆچ و کۆچبەران ئاگادار کراوەتەوە هەمویان لەسەر هێڵن”.

جێگاى ئاماژە پێکردنە کەمپى ئاشتى دەکەوێتە ناحیەى عەربەتى سەر بە پارێزگاى سلێمانی و لە ئێستادا نزیکەى 1960 خێزانى تێدا نیشتەجێیە کە زۆربەیان ئاوارەکانى ناوەڕاست و خوارووى عێراقن.

بەشی بکە لە
Previous Next
Close
Test Caption
Test Description goes like this