تەندروستیی هەڵەبجە: سەرچاوەی تووشبوون بە کۆرۆنا لە پارێزگاکەمان نازانین

0
212

SNN-عەلی حەمە سەعید

بەڕێوەبەری گشتی تەندروستی هەڵەبجە رایگەیاند: “ئەگەرچی حاڵەتەکانی تووشبوون بە کۆرۆنا لە پارێزگاکەدا کەمن، بەڵام مەترسییەکان زیاترن چونکە بە تەواوی سەرچاوەی بڵاوبوونەوەی نەخۆشیەکە لە پارێزگاکەدا نازانرێت”.

ئازاد مستەفا، بەڕێوەبەری گشتی تەندروستی هەڵەبجە بە SNNی راگەیاند: ئەگەر جاران یەكێك توشی كۆرۆنا ببوایە سەرچاوەكەی دەزاندرا، بەلام ئەو قۆناغەمان تێپەڕاندووە. یەكێك لە توشبووەكان هیچ بەركەوتنێكی لەگەڵ توشبووەكانی دیكەدا نەبووە و خۆشی نازانێت چۆن توشبووە.

ئازاد مستەفا هۆشداریداوە لە بڵاوبوونەوەی زیاتری نەخۆشیەکە لە هەڵەبجە بە جۆرێک ” لە هەموو گەڕەکێکدا حاڵەت هەبێت”.

سەبارەت بە ئامادەکارییەکانیش بۆ رووبەڕووبوونەوەی کۆرۆنا بەڕێوەبەری گشتی تەندروستی هەڵەبجە رایگەیاند: “سەرجەم ئامێرەكانی هەناسەدانی دەستكردمان لە نەخۆشخانەی تایبەت بە توشبووانی كۆرۆنا خستوەتەكار، لە ئامادەباشیداین بۆ بەكارهێنانیان لە حاڵەتی پێویستدا”.

لەبارەی تووشبووەکانی هەڵەبجەشەوە رایگەیاندووە: “لە ئێستادا پێنج توشبووی كۆرۆنا لە نەخۆشخانەكەماندا (وەفا) بوونیان هەیە كە سیانیان دانیشتووی ناحییەی خورماڵن و دوانیشیان هاوسەری یەكترن و دانیشتووی ناو شاری هەڵەبجەین”.

ئەوەشی خستەڕوو، لە كۆی ئەو پێنج توشبووە سیانیان نیشانەكانیان بە توندی گرتووە و یەكێكیشیان بە توندتر نیشانەكانی دەركەوتووە، بەلام تا ئێستا پێویستیان بە هەناسەدانی دەستکرد نەبووە.

بەشی بکە لە
Previous Next
Close
Test Caption
Test Description goes like this