کوێستان محەمەد: سەردانیکردنی زیندانیکراوان دەستپێناکاتەوە

0
814

SNN

وه‌زیری كار و كاروباری كۆمه‌ڵایه‌تی رایگەیاند، هەرچەندە پێشتر بڕیارماندابوو لەدوای جەژن رێگە بە سەردانیکردنی زیندانیکراوان بدەین، بەڵام بەهۆی تەشەنەسەندنی زیاتری کۆرۆناوە رێگانادرێت.

كوێستان محه‌مه‌د، وه‌زیری كار و كاروباری كۆمه‌ڵایه‌تی ئەمڕۆ له‌ كۆنگره‌یه‌كی رۆژنامه‌وانیدا رایگه‌یاند، “هه‌ر له‌ سه‌ره‌تای سه‌رهه‌ڵدانی كۆرۆنا پێش ئه‌وه‌ی حكومه‌ت هیچ رێكارێك بگرێته‌به‌ر ئێمه‌ پێش هه‌موو لایه‌نه‌كان كه‌وتین، سه‌ردانکردنی سزادراوان و راگیراوان و مۆڵه‌ت پێدانمان راگرت”.

وتیشی: “بڕیار بو دوای جه‌ژن به‌ ره‌زامه‌ندی لیژنه‌ی باڵای به‌ره‌نگاربونه‌وه‌ی كۆرۆنا سه‌ردانیکردن دەستپێبکەینەوە، به‌ڵام به‌داخه‌وه‌ كۆرۆنا به‌شێوه‌یه‌كی زیاتر سه‌ری هه‌ڵدا، بۆیه‌ ئێمه‌ بۆ پاراستنی ژیانی سزادراوان بۆ ئه‌وه‌ی كۆرۆنا نه‌چێته‌ ناو چاكسازیه‌كان بۆ جارێكی تر ئه‌و سه‌ردان و مۆڵه‌تانه‌مان راگرت”.

ئاماژەی بەوەشکرد، كه‌سوكاری راگیراوان و سزادراوان دڵنیاده‌كه‌نه‌وه‌ ئاگاداری ژیان و گوزه‌رانی راگیراوان و سزادراوان ده‌بین، وتییشی “داوا لە کەسوکاری زیندانیکراوان دەکەین ئه‌وانیش ئه‌م بارودۆخه‌ قبوڵ بكه‌ن”.

باسی لەوەشکرد، كه‌سوكاری سزادراوان و راگیراوان ده‌توانن له‌ رێگه‌ی ته‌له‌فۆنەوە قسه‌ له‌گەڵ سزادراوان و راگیراوان بكه‌ن، پاره‌ و كه‌لوپه‌لی پێویستیان بۆ ببه‌ن ئەوانیش به‌شی ئه‌مانەتیان هه‌یه‌ وه‌ری ده‌گرن.

بەشی بکە لە
Previous Next
Close
Test Caption
Test Description goes like this