بەڕێوبەرایەتى شەهیدان و ئەنفالکراوانى سلێمانى دەوامى راگرت

0
821

SNN-هەوراز ئەحمەد

بەڕێوبەرى شەهیدان و ئەنفالکراوانى سلێمانى ئاشکراى دەکات: “بە هۆى ئەوەى فەرمانبەرێکمان تووشی کۆرۆنا بووە، بە فەرمى بۆ ماوەى 10 رۆژ دەواممان لە بەڕێوبەرایەتیەکەمان راگرت”.

ئەدیب لەتیف، بەڕێوبەرى شەهیدان و ئەنفالکراوانى سلێمانى بە SNN ی راگەیاند: “لە پێناو سەلامەتى هەموان و بڵاو نەبوونەوەى زیاترى ڤایرۆسى کۆرۆنا دەواممان لە بەڕێوبەرایەتیەکمان راگرت ئەمە پاش ئەوە دێت کە دوێنى سێ شەممە ئەنجامى پشکنینى یەکێک لە فەرمانبەرەکانمان پۆزەتیڤ دەرچوو”.

وتیشى: “ئەو کەسانەى کە سەردانمان دەکەن لە بەڕێوبەرایەتى شەهیدان و ئەنفالکراوان زیاتر کەسانى بەساڵاچوون، بۆ ئەوەى خوانەخواستە ڕووداوێکى نەخوازراو ڕوونەدات و فەرمانگەکەمان نەبێتە هۆى بڵاو بوونەوەى ڤایرۆسى کۆرۆنا، بە رراوێژ کردن لە گەڵ پارێزگارى سلێمانى و لایەنە پەیوەندى دارەکان بڕیارماندا تاوەکو21 حوزەیران دەوام لە فەرمانگەکەمان رابگیرێت”.

هاوکات روونى کردەوە”پشکنین بۆ ئەو فەرمانبەرانە کراوە کە بەرکەوتەیان لەگەڵ ئەو فەرمانبەرەدا هەبووە، داواشمان کردوە تەواوى فەرمانگەکەمان بۆ پاکژ بکرێت”.

بەشی بکە لە
Previous Next
Close
Test Caption
Test Description goes like this