“چه‌ند حاڵه‌تێكى پۆزه‌تڤى كۆرۆنا له‌نێو په‌رله‌مانى كوردستان تۆماركران”

0
439
په‌رله‌مانى كوردستان

كه‌مێك له‌مه‌وبه‌ر په‌رله‌مانى كوردستان راگه‌یه‌نراوێكى بڵاوكرده‌وه‌ و رایگه‌یاند: چه‌ند حاڵه‌تێكى پۆزه‌تڤى كۆرۆنا له‌نێو په‌رله‌مانى كوردستان تۆماركران، ئاشكراشیكرد: “به‌هۆى ڤایرۆسى كۆرۆناوه‌ بڕیارمانداوه‌ بۆ ماوه‌ى دوو هه‌فته‌ كاره‌كانى په‌رله‌مان رابگرین”.

له‌ راگه‌یه‌نراوه‌كه‌دا كه‌ ئه‌مڕۆ سێشه‌ممه‌ بڵاوكراوه‌ته‌وه‌ له‌لایه‌ن سه‌رۆكایه‌تى په‌رله‌مانى كوردستانه‌وه‌ ئاماژه‌ به‌وه‌كراوه‌، “دوای ئەوەی لە چەند رۆژی رابردوودا، حاڵەتێکی پۆزەتڤی کۆرۆنا لە ناو فەرمانبەرانی دیوانی پەرلەمانی کوردستان هەبوو، وەک پابەند بوونیکی تەواو بە رینماییە تەندروستییەکان ، دەستەی سەرۆکایەتی پەرلەمانی کوردستان بریاریدا کە پشکنینی کۆرۆنا بۆ سەرجەم ئەندامانی پەرلەمانی کوردستان و فەرمانبەرانی پەرلەمان بکرێت”.

سه‌رۆكایه‌تى په‌رله‌مانى كوردستان ئاماژه‌ى به‌وه‌شكردووه‌، “رۆژی 9ی حوزه‌یران، بە سوپاسەوە، چەند تیمیکی پشکنینی تاقیگەی ناوەندی، لەسەررێنمایی وەزارەتی تەندروستی هاتنە پەرلەمانی کوردستان و پشکنینیان بۆ دەستەی سەرۆکایەتی و 197 ئەندامی پەرلەمان و فەرمانبەرانی دیوانی پەرلەمان ئەنجامدا. دیارە بە داخەوە ، چەند حالەتێکی پۆزەتیڤ لەم پشکنینانەدا هەن و دواتر لە لایەن وەزارەتی تەندروستیەوە وردەکارییەکان رادەگەیەنریت”.

له‌ راگه‌یه‌نراوه‌كه‌دا ئه‌وه‌شخراوه‌ته‌ڕوو: “وەک پابەندبوون بە رینماییە تەندروستیەکان کە دەبیت سەرجەم بەرکەوتووەکان خۆپاریزی بکەن و کەرەنتین بکرین، سەرۆکایەتی پەرلەمانی کوردستان بریاریدا، سەرجەم کارەکانی پەرلەمانی کوردستان بۆ ماوەی دوو هەفتە رابگریت. ئاگاداری تەواوی ئەو ئەندامە بەریزانەی پەرلەمان دەکەین کە تا ئیستا پشکنینی کۆرۆنایان نەکردوە لە زووترین کات پشکنینەکە ئەنجام بدەن و ئەنجامەکەی بۆ سەرۆکایەتی پەرلەمانی کوردستان بنیرنەوە. بە هەمان شێوە دیوانی پەرلەمانی کوردستان راسپیردراون، بە هەماهەنگی لەگەل تیمە پزیشکییەکان پشکنین بۆ سەرجەم ئەو فەرمانبەرانەی دیکەش بکرین کە تا ئیستا پشکنینیان بۆ نەکراوە”.

به‌پێى زانیارییه‌كانى (SNN) كه‌ له‌ سه‌رچاوه‌یه‌كى باوه‌ڕپێكراو له‌ناو په‌رله‌مانى كوردستان وه‌ریگرتوون، “چوار كه‌س له‌نێو په‌رله‌مان تووشبوون كه‌ یه‌كێكیان ئه‌ندامى په‌رله‌مانى كوردستانه‌”.

نوێده‌كرێته‌وه‌…..

بەشی بکە لە
Previous Next
Close
Test Caption
Test Description goes like this