لەگەڵ دابەشكردنی مووچەی مانگی شوبات حكومەت بڕە پارەیەك لە فەرمانبەران دەبڕێت

0
26313

SNN- هەولێر

ئەنجومەنی وەزیرانی هەرێم بڕیاریداوە لەگەڵ دابەشكردنی مووچەی مانگی شوباتی2020دا بڕێك پارە لە فەرمانبەران ببڕێت و بەرپرسێكیش رێژەی لێبڕینی پارەكە ئاشكرا دەكات.

بەرپرسێكی وەزارەتی دارایی بە SNNی راگەیاند: بە بڕیاری ئەنجومەنی وەزیرانی هەرێم لەگەڵ دابەشكردنی مووچەی مانگی شوبات بڕێك پارە لە فەرمانبەران دەگێڕدرێتەوە”.

وتیشی: “ئەم لێبڕینی پارەیە بەهۆی قەیرانی دارایی و كەمبوونەوەی داهاتەكانە كە حكومەت لە ئێستادا ناتوانێت مووچەی تەواوی فەرمانبەران بدات و دابەشكردنی مووچەش زۆر لەكاتی خۆی دوا دەكەوێت”.

ئەو بەرپرسەی وەزارەتی دارایی جەختیشیكردەوە: “لێبڕینەكە لەگەڵ دابەشكردنی مووچەی مانگی شوباتی 2020 جێبەجێدەكرێت و پارەكەش پاشەكەوت ناكرێت و دواتریش نادرێتەوە فەرمانبەران و زۆربەی وەزیرەكانیش لە كۆبوونەوەی رابردووی ئەنجومەنی وەزیران بەم بڕیارە رازی بوون”.

سەبارەت بەڕێژەی لێبڕینەكە ئەوەشی ئاشكراكرد: ئەو فەرمانبەرانەی مووچە كانیان لە 600 هەزار دینار دەستپێدەكات تاوەكو یەك ملیۆن دینار رێژەی لە 10%یان لێدەبڕدرێت و ئەوانەشی مووچەكانیان لە سەرووی یەك ملیۆن دینارە بڕی لە 15% لە مووچەكانیان دەبڕدرێت”.

بەشی بکە لە
Previous Next
Close
Test Caption
Test Description goes like this