دوو تووشبووی کۆرۆنا لە شاری سلێمانی گیانیان لەدەستداوە

0
1262
گیانله‌ده‌ستدان به‌ ڤایرۆسى كۆرۆنا | فۆتۆ: SNN

SNN-هەوراز ئەحمەد

سەرچاوەیەک لە نەخۆشخانەی شەهید ئاسۆ رایگەیاند: درەنگانێکی شەوی رابردوو دوو تووشبووی کۆرۆنا لە نەخۆشخانەکە گیانیان لەدەستداوە کە یەکێکیان بەڕەچەڵەک عەرەبە.

ئەو سەرچاوەیە بە SNNی راگەیاند: “درەنگانێکی شەوی رابردوو ئەو دوو تووشبووەی کۆرۆنا لە نەخۆشخانەی شەهید ئاسۆ گیانیان لەدەستداوە، کە هەردووکیان پیاون و تەمەنیان لەسەروو 70 ساڵەوەیە”.

ئاماژەی بەوەشکرد: لە ئێستادا 25 تووشبووی کۆرۆنا لە نەخۆشخانەی شەهید ئاسۆ لەژێر چاودێری چڕدان و تەندروستییان ناجێگیرە.

تا ئێستا لە هەرێمی کوردستان  هەزار و 709 کەس تووشی ڤایرۆسی کۆرۆنا بوون، 32 تووشبووش گیانیان لەدەستداوە، لەو ژمارەیە 551 تووشبوو چارەسەرکراون. ئێستا هەزار و 128 تووشبوو ڤایرۆسەکە لە جەستەیاندا چالاکە.

بەشی بکە لە
Previous Next
Close
Test Caption
Test Description goes like this