1261 حاڵه‌تى نوێى تووشبوون به‌ كۆرۆنا له‌ عێراق تۆماركران

0
523
نەخۆشخانەی کۆرۆنا لە هەڵەبجە | فۆتۆ: عەلی حەمەسەعید / SNN

كه‌مێك له‌مه‌وبه‌ر وه‌زاره‌تى ته‌ندروستیی عێراق رایگه‌یاند: له‌ماوه‌ى 24 كاتژمێرى رابردوودا هه‌زار و 261 حاڵه‌تى نوێى تووشبوون به‌ كۆرۆنا تۆماركراون، 354 تووشبوو چاكبوونه‌ته‌وه‌ و 31 كه‌س به‌ ڤایرۆسه‌كه‌ گیانیان له‌ده‌ستداوه‌.

وه‌زاره‌تى ته‌ندروستیی عێراق له‌ راگه‌یه‌نراوێكدا كه‌ ئه‌مڕۆ پێنجشه‌ممه‌ بڵاوكراوه‌ته‌وه‌ ئاشكرایكردووه‌، “له‌ماوه‌ى 24 كاتژمێرى رابردوودا 9342 پشكنینى ڤایرۆسى كۆرۆنا ئه‌نجامدراون، له‌ ئه‌نجامدا هه‌زار و 261 حاڵه‌تى نوێى تووشبوون ده‌ستنیشانكراون به‌مشێوه‌یه‌: 564 حاڵه‌ت له‌ به‌غدا، 14 حاڵه‌ت له‌ نه‌جه‌ف، 58 حاڵه‌ت له‌ سلێمانى، 11 حاڵه‌ت له‌ هه‌ولێر، سێ حاڵه‌ت له‌ دهۆك، 33 حاڵه‌ت له‌ كه‌ربه‌لا، 16 حاڵه‌ت له‌ كه‌ركوك، 70 حاڵه‌ت له‌ دیاله‌، 233 حاڵه‌ت له‌ واست، 26 حاڵه‌ت له‌ بابل، 23 حاڵه‌ت له‌ به‌سره‌، 76 حاڵه‌ت له‌ میسان، 94 حاڵه‌ت له‌ دیوانیه‌، هه‌شت حاڵه‌ت له‌ زیقار، سێ حاڵه‌ت له‌ ئه‌نبار، 11 حاڵه‌ت له‌ میسان، نۆ حاڵه‌ت له‌ نه‌ینه‌وا، نۆ حاڵه‌ت له‌ سه‌ڵاحه‌دین”.

وه‌زاره‌تى ته‌ندروستى له‌باره‌ى ئه‌و كه‌سانه‌ى چاكبوونه‌ته‌وه‌ ئه‌وه‌شى خستووه‌ته‌ڕوو، “354 تووشبوو چاكبوونه‌ته‌وه‌ به‌مشێوه‌یه‌: 244 كه‌س له‌ عێراق، 11 كه‌س له‌ نه‌جه‌ف، پێنج كه‌س له‌ دهۆك، 14 كه‌س له‌ كه‌ركوك، پێنج كه‌س له‌ كه‌ربه‌لا، چوار كه‌س له‌ دیاله‌، 13 كه‌س له‌ به‌سره‌، 19 كه‌س له‌ میسان، 16 كه‌س له‌ بابل، هه‌شت كه‌س له‌ دیوانیه‌، 10 كه‌س له‌ زیقار، پێنج كه‌س له‌ نه‌ینه‌وا”.

له‌باره‌ى ئاماره‌كانى مردن به‌ كۆرۆنا وه‌زاره‌تى ته‌ندروستى ئاماژه‌ى به‌وه‌كردووه‌، “31 تووشبوو گیانیان له‌ده‌ستداوه‌ به‌مشێوه‌یه‌: 16 كه‌س له‌ به‌غدا، یه‌ك كه‌س له‌ نه‌جه‌ف، یه‌ك كه‌س له‌ كه‌ركوك، یه‌ك كه‌س له‌ دیاله‌، یه‌ك كه‌س له‌ واست، یه‌ك كه‌س له‌ به‌سره‌، یه‌ك كه‌س له‌ میسان، یه‌ك كه‌س له‌ بابل، سێ كه‌س له‌ زیقار، یه‌ك كه‌س له‌ ئه‌نبار، یه‌ك كه‌س له‌ موسه‌ننا و یه‌ك كه‌س له‌ سه‌ڵاحه‌دین”.

به‌پێى ئاماره‌كانى وه‌زاره‌تى ته‌ندروستى له‌ سه‌ره‌تاى بڵاوبوونه‌وه‌ى ڤایرۆسى كۆرۆنا تا ئێستا 16 هه‌زار و 675 كه‌س تووشى كۆرۆنا بوون، 6 هه‌زار و 568 كه‌س چاكبوونه‌ته‌وه‌، له‌ ئێستادا 9 هه‌زار و 650 كه‌یسى چالاك بوونى هه‌یه‌، 98 تووشبوو بارى ته‌ندروستییان جێگیره‌ و 457 كه‌س به‌ ڤایرۆسه‌كه‌ گیانیان له‌ده‌ستداوه‌.

بەشی بکە لە
Previous Next
Close
Test Caption
Test Description goes like this