قەبارەی ئەو زیانە ئابووریەی کە بەر کەرتی پیشەسازی عێراق کەوتووە

0
597
قەبارەی ئەو زیانە ئابووریەی کە بەر کەرتی پیشەسازی عێراق کەوتووە

SNN

لقی پەنابەرانی سەر بە رێکخراوی نەتەوەیەکگرتووەکان لە راپۆرتێکیدا قەبارەی ئەو زیانانە ئاشکرادەکات کە بەهۆی بڵاوبوونەوەی کۆرۆناوە بەر کەرتەکانی پیشەسازی و بازرگانی عێراق کەوتووە.

ماڵپەڕی ئەلمۆنیتەر وردەکاری ئەو راپۆرتەی بڵاوکردووەتەوە کە کۆمسیۆنی باڵای پەنابەرانی سەر بە نەتەوەیەکگرتووەکان بڵاویکردووەتەوە، کە تیایدا هاتووە، بەهۆی پەتای کۆرۆناوە، تێکڕای بەرهەمهێنان لە نیسانی 2020دا 52٪ و تێکڕای فرۆشتن 71٪ دابەزیووە.

ئاماژەش بەوەکراوە: تێکڕای هەلی کار 40٪ کەمبووەتەوە، تێکڕای داهاتی لەدەستچووش تاوەکو مانگی حوزەیران بە 18 هەزار و 540 دۆلار دەخەمڵیندرێت.

هاوکات لە کەرتی خۆراک و کشتوکاڵدا، لە نیساندا 61٪ بەرهەم کەمبووەتەوە، 75٪ فرۆش، 45٪ دەرفەتی کار و 45٪ مووچە کەمبووەتەوە، داهاتی لەدەستچووش لەو کەرتەدا تاوەکو مانگی حوزەیران بە 33 هەزار و 58 دۆلار دادەنرێت.

ئەلمۆنیتەر نوسیویەتی، ژمارەی تووشبووان بە کۆرۆنا لە عێراق لە هەڵکشانداتە و پێشبینی دەکرێت لە ماوەی چەندین مانگی داهاتوودا زیانی ئابووری بەر عێراق بکەوێت.

بەشی بکە لە
Previous Next
Close
Test Caption
Test Description goes like this