هەڕەشەی مانگرتنی دەوام لە نەخۆشخانەکانی کۆرۆنای سلێمانی دەکرێت

0
806

SNN-هەوراز ئەحمەد

لقی سلێمانی سەندیکای پزیشکانی کوردستان هۆشداری دەدات ئەگەر حکومەتی هەرێم بەدەم داواکارییەکەیانەوە نەچێت و پشتگوێ بخرێت نەخۆشخانەکانی کۆرۆنا لە سنووری پارێزگای سلێمانی بایکۆت دەکەن.

هاوژین عوسمان سەرۆکی لقی سلێمانی سەندیکای پزیشکانی کوردستان بە SNNی راگەیاند: “مۆڵەتی 48 کاتژمێر دەدەینە حکومەتی هەرێم کە مووچەی کارمەندانی تەندروستی دابەش بکات”.

وتیشی: “ئەگەر لەو ماوەیەدا مووچەی کارمەندانی تەندروستی دابەشنەکرێت، لە سەرتاسەری ناوەندەکانی تەندروستی بە نەخۆشخانەکانی کۆرۆناشەوە، بایکۆتی دەوام رادەگەیەنین”.

ناوبراو ئاماژەی بە خراپی رەوشی کارمەندانی تەندروستی کردووە و رایگەیاندووە: “تا ئێستا دەوروبەری 100 پزیشک و کارمەند و شۆفێری ئەمبوڵانس لە پارێزگای سلێمانی تووشی کۆرۆنا بوون، ئێمە لە شەڕێکی راستەوخۆداین دژ بە کۆرۆنا”.

ئەوەشی خستەڕوو: “حکومەت کێشەی زۆرە، بەڵام پێویستە سەرەتا کێشەکانی کەرتی تەندروستی چارەسەربکات چونکە کەرتی تەندروستی کێشە و گرفتی زۆرە و لە ئێستادا بەهۆی ئەم بارودۆخەوە بەتەنیا داواکارییەکانمان لە مووچەدا کۆکردووەتەوە”.

سەبارەت بە قەزا و ناحیەکانی پارێزگای سلێمانی، هاوژین عوسمان وتی: “زۆربەی نەخۆشخانەکان داخراون و ئەوانەشی کە بە کراوەیی ماونەتەوە کارمەندانی تەندروستی بە تەکلیف لەسەر کارەکانیان ماونەتەوە”.

بەشی بکە لە
Previous Next
Close
Test Caption
Test Description goes like this