ڤیدیۆ:بەرشەلۆنە بە بردنەوەیەکی گەورە دەستی بە لالیگا کردەوە

SNN Sport

لە یەکەم یاری گەڕانەوەیدا دوای قەیرانی ڤایرۆسی کۆرۆنا، یانەی بەرشەلۆنە بەبێ ئامادەبوونی هاندەر لە ناو یاریگای ریاڵ مایۆرکا میوانداری ئەو یانەیەی کردو لە ئەنجامدا توانی یاریەکەی 4-0 لێ بباتەوەو ئەم هەفتەش پارێزگاری لە پێشەنگی خولەکە کرد.

یاریەکە لە رکابەرییەکانی هەفتەی 28 بوو، بەرشەلۆنە لەسەرەتای یاریەکەوە بە ئاستێکی بەرزەوە دەرکەوت، توانی لە خولەکەکانی 2 و 37 دوو گۆڵ لەلایەن ڤیدال و برایسوایت بکات و گێمی یەکەم 2-0 بە کۆتا بهێنێت.

لە گێمی دووەم بەرشەلۆنە بەردەوامی بە ئەنجامە باشەکەیداو توانی دوو گۆڵی تر لە خولەکەکانی 79 و 93 لە لایەن یاریزانان، ئەلباو میسی بکات و ئەنجامەکە بۆ 4-0 زیاد بکات.

بەم بردنەوە خاڵەکانی یانە کەتەلۆنیەکە لە پێشەنگی ریزبەندی بووە 61 خاڵ، بە کاتی 5 خاڵ لە پێش یانەی ریاڵ مەدریدی دووەمەوە دێت.

دوای یاریەکە میسی بە باشترین یاریزان دیاری کرا.